21 Apr 2007
放假瞓醒覺同張先生去咗嘆茶! 食飽飽趁住張先生响度, 去咗惠記shopping, 買定材料整蛋糕! haha...... 本來今晚想返娘家食飯, 因為都好耐無見過爸爸媽咪啦~~~~~ 
是晚靚湯靚餸有.........
(同埋懶煮兼想避開張老太) 點知...... 媽咪話今晚唔煮飯, 因為個個都有節目, 咁唯有買餸煮飯!!! (點都係避唔開!!! 
)
蕃茄薯仔滾大眼雞 (掛住飲, 唔記得影相菇粒肉碎讓豆腐卜 
)
(唔知點解~~ 媽咪整得好靚, d肉碎唔會甩出黎, 而我就....... 煎煎下, d菇粒肉碎係咁甩, 最後變咗菇粒肉碎炒豆腐卜 蒜粒上湯浸莧菜 (依輪d莧菜幾好味~~ 唔駛下下都食菜心)
)
當煮好飯, 準備開飯時, 我嘅例排動作 -- 影相, 搞到張老太覺得好奇怪, 做乜同d餸影相?! 我都唔知點答佢好, 好彩張先生幫我解圍! haha...... 
莧菜同豆腐，都係涼喎~~
回覆刪除下.................................... 乜莧菜都係涼架!
回覆刪除哈哈~~~~~~~你過左78個月到先再食涼野就最好喇,不過不知者不@最@
回覆刪除唉........... 連呢輪幾好食下嘅莧菜都唔食得! 真係慘~~呀~~~~~~~
回覆刪除算啦,都可以偷食dd既~~ 有薑就得喇~~小小好喇
回覆刪除收到!!!
回覆刪除少少我諗無問題既，但唔好連續幾日食囉...我朋友話頂盡一個星期食一次我之前所講既涼嘢好啦。到BB有得八個月大時就可以開始食涼少少嘞!
回覆刪除貓貓, 我仲連續兩晚食咗莧菜添~~ 以後唔敢囉~~~~~~
回覆刪除其實我都好想食豆腐果D架，但為咗baby我都忍忍忍~~不過呢排天氣太熱,我都成日偷飲凍嘢呀 (因為我朋友話佢馱BB時就因為飲得太多凍嘢，搞到個人好多風，所以佢一知我有咗就勸我唔好飲凍嘢)
回覆刪除係呀~媽咪話菜心正氣，食多d好！仲有節瓜、茄子&青豆角都可以食。牙菜、白棻、白羅蔔寒涼，吾好食呀！
回覆刪除貓貓, 我朋友都千叮萬囑叫我唔好飲凍嘢! 呢排真係好熱, 好想飲凍嘢~~ 但都盡量避免, 飲都係話走冰或者少冰, 然後畢走d冰, 起碼無咁熱先! haha...... 小女人, 收到~~ 我都盡量唔食涼嘢~~ 除非我唔知個樣嘢係涼! haha......
回覆刪除我好想知你老公點同你解圍呀
回覆刪除我老公咪同佢講, 我影相之後擺相網同人分享! 其實唔知張老太明唔明佢講乜, 但佢嘅回應係: 哦!
回覆刪除