27 Apr 2007
今晚放工同張先生去咗大尾篤泰太廚房食晚飯, 慶祝我地註冊一週年紀念呢~~ 其實正日係4月29日呢~~ 點解會早咗兩日慶祝??? 因為當日將會同屋企人去黃金海岸食buffet呢~~ haha... 我地叫咗...........................
泰太炒飯 (都辣呀! 裡面有蝦、鮮尤、帶子, 仲有細細粒o既青、紅椒, 食到張先生又勁流汁, 好似啱啱洗完面咁, haha...............)
泰國椰菜苗 (個度唔夠光, 影到黑忟忟, 睇唔清添~~ 又唔想開閃光燈影響到人)
燒牛仔骨 (又係影到黑忟忟, 睇相好似燒燶晒咁, haha... 但事實並非如此, 仲燒得好香, 好好味!!!)
皇宮蛋包菜 (好勁! 一邊食呢個包包, 一邊諗... 究竟點至可以將蛋煎到可以面個度一絲絲而又無斷開呢??? )
睇菜牌時, 飲料個part有款飲品叫做人渣飲料, 個名好特別, 究竟即係咩呢??? 一問之下, 原來係人手用現醒有o既生果渣出黎o既飲品~~ (之但係又咪用渣汁機渣~~)
黎到當然要一試, 估下有咩生果係其中, 我只飲到有奇異果, 芒果, 菠蘿, 跟住有咩就唔知lu~~ 但飲咗兩啖叫做試下就止步, 因為芒果菠蘿係 "違禁品" 呢~~
總結, 最鍾意都係個燒牛仔骨, 燒得好香, 再配埋d汁, 好好味! 其他就普通啦~~
幸福張師奶: 恭喜!恭喜!!D野食好正呀,睇到都想食呀!!
回覆刪除恭喜你先 !!! 不過有個疑問呀....其實註冊一週年, 咪即係結婚一週年囉 !!! 註咗冊就係合法夫婦啦, 乜唔係架咩 ???
回覆刪除好似真係好好食咁wow, 我下次都同黃先生去試下先!
回覆刪除恭喜哂喎!!! 覺5覺話咁快就1週年呀 我都怏4年喇..... 我鍾意哥個 皇宮蛋包菜 !! 賣相好正!!
回覆刪除`好好味....
回覆刪除恭喜阿，祝你倆永遠都甘幸福快樂～
回覆刪除珊珊, 你得閒同老公拍住拖去食下~~ 真係幾好架~~~ 可以呼吸下新鮮空氣! 馬尾媽媽, 其實都係結婚一週年, haha...... 因為我同張先生註冊同擺酒分開咗呢~~ 四月註冊, 十二月擺酒! haha...... 所以我咪話註冊一週年囉~~~~~ 細豬媽, 係啦~~ 同黃先生去試下! 不過我鍾意芭希雅個間多d~~ 環境靚d~~~ 二家姐, 乜你原來結咗婚四年咁耐架啦~~ 我仲以為你結婚一兩年倒咋~~ 因為你咁後生呢~~~~~ Cary, 確實唔錯呀!!! 巨寶大寶小寶寶, 多謝晒~~
回覆刪除恭喜恭喜~~睇到我都有d肚餓tim
回覆刪除有冇出去浪漫散步呀?
回覆刪除又食泰菜呀??小心飲食呀!! 我星期五晚入咗醫院呀
回覆刪除今晚食buffet，一定更多豐富美食喇！但魚生&生蠔就唔好食喇
回覆刪除阿玲, 咁你快d食嘢啦~~ 唔好餓親呢~~~ Ivany, 無去散步呀! 食飽飽就回歸, 孕婦好易攰呢~~ 加上又黑忟忟!!! 貓貓, 你無事嗎??? 做乜入院咁大件事呀???????? 小女人, 我會架啦~~~
回覆刪除我同我老公慶祝生日,又影相喎 比隔離枱個2個男人講,而家d人做咩成日影d食物架... 我踩佢都傻.,照影
回覆刪除鬼妹, 咁搞笑, 個兩個男人竟然咁大聲講, 連你都聽到呀!!! 不過話之佢啦~~ 影人影食物都唔關佢事啦, 唔係影佢就得啦! hehe......
回覆刪除我最鍾意食牛仔骨~~~ yummy!!!
回覆刪除