尋日下晝整完個士多啤梨慕思, 等待雪硬途中, 諗下夜晚食咩甜品宵夜好之濟, 決定一於整好耐無食過嘅木糠布甸!!! 第一次食, 係澳門氹仔個邊食! 好好味呢~~
之前係為食貓度搵到木糖布甸嘅食譜(http://www.leisure-cat.com/frm_1481.htm), 尋日係惠記買咗馬利餅, 於是整開甜品有條引, 於是整定今晚做宵夜!
好耐之前係工展會買咗個搞拌機仔(可以磨碎, 又或者磨豆漿嘅機), 今次係我第一次用, 但就用黎碎餅碎! 所以d餅碎先至咁磨得咁細呢~~~~~
今次無跟足為食貓嘅材料整, 只用咗馬利餅、淡忌廉同埋煉奶! 其餘材料都無落, 但味道都好好味! 最搞笑係, 食譜入面要落云呢拿糖, 云呢拿糖屋企無之餘, 我仲要係唔記得加一湯匙沙糖代替, 好彩...... 都夠甜!!!
一層餅碎, 一層忌廉, 好似食緊雪糕嘅感覺! 雪糕唔食得, 唯有食住木糠布甸頂下癮先~~
夜晚, 一邊睇電視, 一邊嘆呢個木糠布甸, 咁大兜, 當然唔係我自己一個食晒啦~~ 我同張先生share呢~~ 真係好好好........... 好味呀!!! 食到唔停得口呀!!!
你真係勁有天份煮野食!!!! 每次都只係一睇就可以正到!!勁!!
回覆刪除其實你都得架!!! 唔試過點知自己得唔得喎!!! 不過我媽咪成日話我煮嘢食無天份架!!! haha......
回覆刪除喂喂，我剛剛睇書話大肚婆唔好食咁多cream同蛋糕啊!!因為甜同埋會容易肥超重呀!!(其實D醫生係驚有妊娠糖尿呀)。仲有就係唔好食軟芝士喎，話對baby唔好，但邊D先係軟芝士呢?
回覆刪除貓貓, 謝謝你嘅資料呀! 我都聽過人講唔好食咁多蛋糕甜品, 因為甜喎~~ 我自己整就唔會落太多糖囉~~ 其實我都好少忌廉嘅蛋糕食! 呢輪都係焗蛋糕仔俾自己食多, haha...... 我都唔知咩叫做軟芝士喎~~ 等我問下人先得!!!
回覆刪除張師奶真係好o野，煮乜都嗡咁叻！我依家好番好多o家喇，好多謝你呀，我會relax d o家喇！
回覆刪除嘩.......好好味呀
回覆刪除我聽過一種芝士係一肚婆吾好食既,.不過吾知叫咩名堂,成舊佈滿藍色一點點既
回覆刪除艾美, 聽到你話好好多實在太好啦~~ Kenneth, 你都試下整, 好簡單, 好容易架咋~~ 二家姐, 我未食過呢d芝士, 因為我都唔會買呢d芝士食!!!
回覆刪除我下個月有朋友生日 我都會整個木槺芝士cake 到時話你知啦
回覆刪除好呀!!!
回覆刪除我都去過呢個網睇ｄ食譜 我試過整過豬肉鬆 不過係嚴重失敗 下次打算整泰式千層膏
回覆刪除Cynthia, 你要繼續努力呀!!!
回覆刪除