19 Apr 2007
今晚又食孤獨晚餐, 連續幾晚都係出街食, 於是放工之後去咗街巿買餸......
上次係傻kit屋企食飯時, 請教咗細伯點樣用個砵黎蒸飯, 今晚終於有機會一試, 但係可能落得多水得濟, d飯林得濟添~~ 下次再繼續努力!
除咗蒸飯, 仲有麵豉醬蒸排骨同埋清炒椰菜! 煮之前打咗個電請教媽咪椰菜點煮, 佢問返我轉頭, 乜椰菜唔係寒嘅咩????? 
八點半食飽飯, 唔夠九點半, 肚仔又開始餓! 消化能力果然係驚人呀!!! 於是整咗上次失敗咗嘅日本綿花蛋糕..............
佢問我, 我都唔知問邊個好囉~~ 
我諗唔係成日食, 一次半次唔怕掛?! 於是, 媽咪叫我加一大舊薑一齊炒, haha...... 結果真係加咗好大好大舊薑去炒呢~~~~~
焗製中......焗完~~ 不過掛住洗嘢, 待涼時唔記得將d蛋糕仔倒轉添......... 搞到d蛋糕仔"笠"晒添~~~
似唔似蛋撻無咗d饀呢......
焗好之後, 肚仔餓嘅我已經急不及待食咗兩個, haha..... 
嘩~~~ 
留返兩個俾張先生聽日下午茶先得! 仲有兩個留返聽日返工時肚仔餓醫肚! hehe...... 
熱辣辣, 好好味呀! 又軟屬, 好香蛋味! 我鍾意呢~~~~~ yummy呀!!! 
好耐都無食過你整既 蛋糕啦, 好掛住呀 !!
回覆刪除你媽咪講得啱呀,椰菜係涼架,好采你用大大 舊薑 炒姐~~之但係你好似冇拍下佢先既...??(看圙) 你食量開始驚人lu~~~ 唸緊名未呢?
回覆刪除二家姐, 我有拍扁舊薑架~~ 不過實在太大舊, 有d扁咗, 有d變咗細舊薑~~ haha..... 未開始諗名呀! 呢個任務交俾張先生諗, 我負責approval, 佢諗咗d架啦, 不過俾我ban晒, haha......
回覆刪除凹左都幾好睇丫，夠特別丫麻
回覆刪除好正啊,簡直好過酒店果d啊~~
回覆刪除睇到個樣都好想食呢~~~我話買焗爐買到而家仲未買~
回覆刪除你好：）唔好意思呀，我有個冒昧既請求，我做緊一份關於裙褂既言查希望你可以用少少時間幫我
回覆刪除做份問卷呀...唔該晒：）
http://http://www.my3q.com/home2/152/neoheidi/58710.phtml
妹梅, 多謝你讚賞呀~~ 阿玲, 你太誇獎我啦~~ LaLa, 露絲 買咗個焗爐好似幾好架, 又第喎! 你去佢blog睇下~~
回覆刪除我回來啦!! 椰菜係涼架...不過加薑炒, 又唔係成日食都OK既!!何況你都五個月啦係咪? 你個蛋糕, 好正呀
回覆刪除Hi~!你好, 第一次黎你既blog, 祝你同bb身體健康 我都有好多朋友有左bb, 記得注意飲食, 特別係唔好食生冷0野及飲凍飲, 唔係bb第日會成日嘔0架 你整既日本綿花蛋糕好吸引吖 好想食, 可以教我整嗎?
回覆刪除我終於都可以冇事咁返o左o黎喇，張師奶 ！
回覆刪除貓貓, 你部電腦終於整好咗啦~~ welcome back呀~~ 係呀, 今個week 20週啦~~ Whisky, 謝謝你嘅祝福呀! 日本綿花蛋糕我係 蔡師奶 個blog度學架, 你可以去蔡師奶個blog ( http://hk.myblog.yahoo.com/choi_cookery/article?mid=1650 ) 度參考食譜!!! 艾美, 我都話你實無事架啦~~~
回覆刪除
回覆刪除幸福張師奶
多謝你提供 蔡師奶 既blog 你記得唔好食生冷野同凍飲，唔係bb第時就會勁嘔架啦(因多風)
係呢，你駛唔駛返工架?如果要返工，咁忙，點解你仲可以成日煮野食?
Whisky, 我要返工架~~ 放工咪返屋企煮飯囉~~ 老公放假咪佢去買餸等我返黎煮, 湯就佢煲囉! 有時懶就出街搞掂! 至於焗蛋糕, 我通常都係放假無所事事嘅時候整! haha......
回覆刪除哈~個型都好特別呀~
回覆刪除