其實早係四月頭, 已經開始隱約感覺到小寶寶郁! 好似有條蟲係入面捐下捐下咁, 郁一兩下就停! 初時感覺都唔強烈架! 要好靜, 攤係床度, 等好耐至感覺到呢~~
到呢兩個禮拜, 感覺開始強烈咗, 有時坐係度都感覺到佢係度郁, 返工做做下嘢又感覺到佢郁, 不過都係一兩下就停! 感覺就好似腸郁咁, 但就知道唔係腸郁, 而係小寶寶郁呢~~~
感覺實在奇妙~~~~~ 唔知幾時至見到小寶寶d手手腳腳撐上肚皮呢?! 
小寶寶你要郁多d等媽媽知道你嘅存在呢~~ 仲有你daddy呀! 我諗佢都好想與你接觸接觸呢~~~
好期待呢~~~~~~~ 
我相信個感覺一定好奇妙！！
回覆刪除係我地個日結婚既人,好多都有左bb呀 你記唔記得邊個nana 係esd個個呢 佢都有左呀
回覆刪除你講到有 BB好正呀 我都好想要呀
回覆刪除哈哈哈! 而加feel到佢郁你就吾怕寂寞啦~ 我0個時見吾到d手仔腳仔係肚前面掃過既~ 吾知係咪我多羊水(我個肚都幾大架,d人以為twins呀 ),所以好難睇到呢... 你腰圍幾多喇?
回覆刪除好好好羡慕呀!! lee 仲感覺一得好特別呢!!
回覆刪除好奇妙呀!!!!!!!
回覆刪除viviAnn, 又真係幾奇妙架~~ 鬼妹, 我記得邊個nana呀~~ 乜佢都有咗呀?! 佢個bb幾大呀? 唔通果日結婚旺生仔?! hehe....... iaoiao, 馱bb其實有苦有甜啦~~ 不過就真係一個奇妙過程! 咁你同老公要努力d啦~~~ 二家姐, 我聽朋友講係會突隻手仔或腳仔上肚皮架, 會見到郁添架~~ 可能你真係水多, 所以睇唔到! SaSa, 你好快都會有呢個感覺架啦~~ 努力呀!!!
回覆刪除好好玩啊,聽講後尾幾個月小寶寶郁得仲犀利啊~
回覆刪除Olive, 真係好奇妙架~~ 第時你就體會得到!!! 阿玲, 佢越大, 你就會越感覺到佢嘅存在! 因為會成日郁, 好似係肚入面打功夫呀! (我聽朋友講 )
回覆刪除恭喜你呀!! 奇妙旅程開始喇, 好好感受bb喺你肚內跳動的感覺, 同了解佢比你嘅信息。
回覆刪除好正哩!! 我BB而家都踢多左好多, 仲會連環狂踢添!! 我地一定要好好珍惜呢個FEEL呢, BB一出世就無喇!!
回覆刪除我都開始感到bb郁喇 不過唔係太強烈lor
回覆刪除Cary, 連環踢咁勁!!! 我都好期待佢連環踢呢~~ 應該幾得意! haha...... 我同koann一樣都係感受到少少咋, 郁一兩下就feel唔到! 可能佢懶, 求其郁一郁敷衍下我! haha...
回覆刪除恭喜!!!!
回覆刪除哈哈，張師奶，差不多o家喇，等到7個月左右啦，你就應該開始見到個肚皮耐唔耐會凸出o黎o家喇！到時仲得意呀！o個陣時，小魔怪成日o係肚入面郁o黎郁去，一時撐隻腳出o黎，一時就撐隻手仔出o黎，試過有一次我老老聽緊我個肚時，小魔怪突然撐出o黎，仲嚇親我老老，老老跟住仲大笑小魔怪曳曳添呀！諗起都覺得好笑呀！
回覆刪除喂張c 奶 BB 就嚟會踢得你好勁架喇. 好開心架
回覆刪除艾美, Haha...... 真係一個美好回憶喎~~ 小魔怪係咪想問爸爸係度聽咩呢??? haha..... ar lin, 到小寶寶連環踢我時再話你知~~
回覆刪除雖然我未結緍及未經歷過你現在的一切．．但係我覺得你們很幸福．．
回覆刪除寶寶郁呢家野真係做 Daddy 係呢段時間最羨慕媽咪架羅~~~ 因為 Daddy 唔可以成日感受倒~ 不過多數既孕婦都係... 初初就會覺得好開心好奇妙同好期待, 到後尾就會話: 夠喇夠喇,踢屎媽咪喇仔~~~ haahhaa, 不過當然都係開心架喇
回覆刪除想你老公都感受到BB既生命力，每晚由佢負責幫手搽去肚紋cream，係好多時feel到架！我以前佗住個女， 老公都爭住要搽添！搽左一陣，BB o係個肚入面就郁，到6/7個月，仲feel到佢實拳頭o係個肚皮下面添！我姑奶佗住個BB時，佢老公訓到半夜，feel到比個BB o係肚入面打佢一拳呀 ！當然係好細力o個隻~
回覆刪除小肥, 最緊要開心~~~~~~ 小女人, 但我自己查完橄欖油, 都唔覺小寶寶郁嘅~~ 反而坐係度靜靜地睇電視佢就係咁郁完又郁! 可能要大小寶寶大d daddy至感受到囉~~ 你姑奶個bb好搞笑, 瞓緊搞都打功夫, 仲要打到爸爸, haha...
回覆刪除其實冇一定o係邊個時候會郁o既！我有個同事，佢一食完lunc個BB就郁！ 而家仲係細，過多一、兩個月就多d架啦！
回覆刪除