13 Apr 2007
成個禮拜都係食自己, 捱埋今晚, 張先生終於有時間陪我食飯~~~~~~~~~~~~~~~~~~~~~
今晚原本都係食孤獨晚餐! 放工時, 等埋傻kit一齊搭車回歸 (因為我地住同一個屋苑呢~~) 佢知道我今晚要食自己, 咁啱伯友今晚煲咗花旗參靚湯, 於是得到傻kit o既邀請, 上咗去佢屋企食晚飯呢! 唔駛食孤獨餐! haha............................
第一次拜訪傻kit家人, 無理由兩手空空去架! 而細伯伯友亦有一着, 叫我唔好買嘢上去! 話晒第一次, 始終係唔可以兩手fing fing呢~~ 於是, 回歸途中, 同傻kit商討買生果好還是砍料加餸好! 結果, 砍咗廿蚊叉燒加餸! (其實係傻kit鍾意食叉燒呢~~ )
好緊張! 第一次上傻kit屋企食飯同埋與細伯伯友見面! 傻kit屋企原來同我同一個單位呢~~ 一模一樣呀! 一入屋就差不多開飯, haha..... 真係好!
佢地煲飯原來鍾意用砵黎蒸飯食! 我其實都好想用砵黎蒸飯架~~ 因為有時得一個人食孤獨晚餐時, 又唔想出街食, 想自己煮, 但用電飯煲最少都要煲一"o麥"米, 自己又食唔晒喎! 依家請教過細伯, 大概知道幾多米、幾多水同蒸幾耐! haha...... 原來咁樣蒸出黎o既飯都幾好味架! 有口感! 搵日自己試下咁蒸至得! 不過要去買個砵先!
今晚好多餸, 有豆辦醬蒸魚、清炒菜心、蒸排骨、細伯加餸-- 白切雞加叉燒, 仲有我另加o既叉燒! 係咪好多叉燒呢~~ 所以都食唔晒, 傻kit今日要食叉燒炒飯囉!
第一次食豆辦醬蒸魚, 都幾好味架喎!!! 原來係舊墟有間賣醬油o既鋪豆喎! 伯友話呢間自製o既醬油好正, 同埋個度o既甜醋又係好正, 正過八珍, 等我都去買返d豆辦醬返屋企先!!!
是晚晚餐好好味, 因為伯友煮餸都有一手呀!!! 傻kit, 你好幸福呢~~ 有個煮餸好味o既媽媽! 因為唔係個個媽媽煮餸都好味架! (我媽媽煮餸都好好味架! haha......)
今晚獲益都良多呀! 請教咗細伯伯友都好多煮餸同買餸o既嘢! haha......... ^^ 佢地亦非常好客呢~~ 唔知下次仲有無機會再去黐餐呢?! haha......................
有認識嘅朋友仔住喺附近真好。有伴有照應!!
回覆刪除你好似唔飲得花旗參架, 好涼架, 小心飲食, 睇住我姨甥仔呀, 瘦小小小小都賴你. 知嗎? 大姨媽 字
回覆刪除能夠到你的Blog瀏覽，可算是一種緣份，其實我是一個失婚的孤家寡人，身邊已經沒有朋友很久了！因為我沒有工作已經有６年了，而這六年都是隱居在家中，早就跟以前的朋友失去聯絡，不是他們不找我，而是我更改了電話號碼又沒有通知他們而已，可能是我不想應酬他們吧！我一直抬不起勁去面對人生，可能是我放不下以前的東西，加上自己對某事的固執和失去重回社會信心的原故，在今年２月尾，報讀了一個１８日的保安員課程，考了一個保安牌，之後去尋找工作，其實做保安員，工作時間長，成日企，無明文規定的食飯時間，都有點兒不慣。希望這篇回應文章沒有悶親你吧!其實我只是想找個網友吐出心聲！
回覆刪除嘩, 喲餸好吸引呀!!!!傻kit真係好幸福, 我都覺得世伯伯母好好人, 好好客!!!!
回覆刪除你有o左bbo家喎，飲唔飲得花旗參o家 ？你唔好亂咁飲飲食食喎，你要睇住阿b喎！我陀住小魔怪o個陣時，都只係飲靈芝同燕窩咋，同埋我媽媽煲o既湯咋！最多咪食下壽司，當時真係好多o野都唔食得o家！不過你同事o既爸爸都好叻呀，識得煮飯，其實我好羨慕人o地識煮飯o家 ，因為我唔識煮飯同煮餸o家！真係醜死怪呀 ，做o左人o地阿媽都唔識煮飯！
回覆刪除有得食又有野學~~獲益良多喎~~ 花旗參 你吾好食呀~~我睇書都有講過...食d中氣d既野啦~
回覆刪除好豐富呀..... 我都係一支公食飯啦....又唔叫埋我 阿kit 偏心~ !!!
回覆刪除博博豬, haha...... 都係呀! 仲有得黐餐! haha...... 大姨媽, 所以我都唔敢飲咁多, 飲一碗咋~~ 之前媽咪都煲過一次, 但又係唔飲多囉!!! Franky, 你要加油呀! 初初更會唔習慣新工作, 努力呀! 要認識多d朋友, 擴濶自己嘅生活圈子, 生活都唔會咁沉悶、枯燥麻~~ Ling Ling, 傻kit真係好幸福呀~~~~~ 艾美, 咁你要努力d學下煮嘢食啦~~ 等小魔怪有一個好嘅榜樣, 第時都入得廚房, 出得廳堂麻~~ 二家姐, 我知架啦~~ 以後唔敢囉! yani, 咁你要同傻kit講啦~~ 我幫唔到你囉~~~~~
回覆刪除豆辦醬可以蒸排骨添架,雖然好好味,但你有小b,都唔好食太多醃製食品喇。 花旗參更加唔好掂,好寒涼架！
回覆刪除張師奶，我都唔敢同我老老講我o既擔心呀 ，因為我真係驚嚇親佢呀，不過見到你o地留言俾我，話我知全身麻醉係點，我心情唯有盡量試下放鬆d咁去面對啦，真係好驚呀，咁大個女都未試個要全身麻醉 ！好多謝你o既鼓勵呀，張師奶 ！
回覆刪除有朋友仔陪當然開心D，仲有人照應嘛！
回覆刪除露絲, 收到!!!
回覆刪除