9 Dec 2006
放工同姐姐仔去咗葵芳逛街食嘢, 之後就各自返歸!!!
等張先生放工期間, 自己去咗街巿買餸, 見到張先生鍾意食o既西洋菜都幾靚, 買咗一斤($5)黎煲西洋菜紅蘿蔔豬骨湯...... (要打電話問媽咪點煲呢~~~ hehe.....)
張先生話夠火喉, 好好飲呢~~~~~~~
跟住買咗一包蜜糖豆($5)同埋雞脾肉($13), 炒咗碟蠔油雞絲炒蜜糖豆, 可能落得蠔油多得濟, 我就覺得味道濃咗d, 但張先生話味道ok喎~~~~~
係街巿逛咗一陣子, 諗唔到第二味餸煮乜好, 想買海鮮, 但又唔知買乜好, 見到大扇貝買, $24一斤, 見到都幾多人買, 於是揀咗八隻, 同張先生一人四隻, hehe......
呢味蒜蓉粉絲蒸扇貝失敗咗!!!
蒜蓉落得唔夠多, 但其實我已剁咗差不多一粒蒜頭架啦~~ 唔知點解, 蒸完d粉絲唔得軟身o既?! 無理由架, 我都已經將d粉絲浸軟先架~~~ 張先生話我蒸過火喎, 所以d粉絲蒸到乾晒身, 都唔知係咪真係咁原因呢?!
so sweet...
回覆刪除可能d粉絲浸得唔夠耐~所以咪唔夠軟囉~ 因為我都試過咁既情況呢~ 哈哈
回覆刪除見到伱煮ge餸,我覺得我做人好失敗,原來我咩都唔識煮,伱會食!~點算啊!~
回覆刪除蠔油我都唔知係咩,聽就聽得多.無人要拉
回覆刪除只會食,下面打錯字!~
回覆刪除Soldier, 煮飯俾鍾意o既人食, 又確實係一件幸福事~~
回覆刪除LaLa, 我都唔知係咪浸得唔夠耐呢?! 但媽咪話我將粉絲同扇貝掉轉咗黎放, d粉絲索唔到d汁, 所以唔林喎~~
回覆刪除阿玲, 咁你要努力學下煮飯仔氹下老公開心啦~~ 煮飯其實都唔難, 買本書或者上網搵食譜, 跟住做就得架啦~~~ 得閒逛下超級巿場, 蠔油放係d醬油個堆架!!!
回覆刪除好幸福呀! 睇到你的blog都感覺自己後生左!!!
回覆刪除我d粉絲係臨蒸時先放上去d扇貝度，即係話蒸前d粉絲仍然浸在水中，唔知你係咪呢？ 謝謝你去我blog度留言呀！ 得閒黎睇下"我的手作仔"啦！有好多我煮的家常菜架 多多指教
回覆刪除um...... 我無臨蒸前先放上面喎 唔通因為咁, 所以唔夠軟 其實好想問下, 究竟d粉絲係放面還是放底嘅呢???
回覆刪除