係呢度, 有好多人要多謝!!!
首先, 係媽咪, 結婚前個幾日, 除咗我同張先生都好忙之外, 媽咪都好忙, 忙執屋(好似大掃除咁), 忙拜神, 又幫我買d上頭同埋結婚時要嘅禮儀物品...... 好辛勞呢~~ 真係謝謝媽咪啊~~~~~ 
跟住就係媽咪由細玩到大嘅好姊妹(攝影師叔叔叫佢做導演, hehe...) 上頭個晚專登黎我家, 搓湯圓, 等到12點幫我上頭, 搞到12點幾先回家, 第二朝一早就上黎做大妗姐, 又遞茶, 又打點一切, 真係非常感謝佢嘅幫忙呢~~~~~ 
跟住係細妹, 雖然佢係一位 "夢夢上身" 嘅伴娘, 第一次做伴娘都算係咁~~~~~~ (到家陣伴郎仲笑緊佢夢夢呢~~ hehe... )
跟住就係一班兄弟姊妹, 佢地都好幫得手呢~~ 姊妹們就幫我打點一切, 兄弟們就當苦力, haha...... 辛苦晒大家呢~~~~~~
特別鳴謝:
好姊妹亞珊, 佢真係非常幫得手, 係安排坐位方面真係辦得非常好! 同幾位兄弟逐圍枱去點人數, 無亞珊, 真係唔知點算囉~~~~~~ 仲要做埋MC嘅工作, 亞珊, 謝謝你呀~~~~~~~~~~
張先生嘅好兄弟亞龍, 佢又係非常幫得手呢~~ 一切嘢都辦得妥妥當當, 擔當財政大臣兼任MC工作, 亞龍, 謝謝你呀~~~~~~~~~~
張先生識咗好耐嘅好兄弟亞輝, 佢又係非常幫得手呢~~ 擔任伴郎勝任有餘呀! 真係好幫得手! 亞輝, 謝謝你呀~~~~~~~~~~
視我如妹嘅靚媽, 幫媽咪同細妹化妝, 搞到媽咪個晚好靚呀~~ 雖然你覺得唔滿意, 覺得細妹化得唔靚, 姊妹再執, 靚媽, 你都唔好咁介懷啦~~ 只不過姊妹們覺得細妹個妝唔夠濃先再執遮, 你唔好以為自己化得唔好啦~~ 我相信你嘅專業架~~~ 靚媽, 謝謝你呀~~~~~~~~~~ 
沒有留言:
張貼留言