南昆山溫泉2日之旅 ~ Day 1

12 Dec 2006

今日開始展開我地兩日嘅南昆山溫泉之旅行程啦~~~

我地一行四人(我、張先生同埋亞龍夫婦)跟咗永安兩日溫泉團, 一大清早七點起床, 八點三係粉嶺火車站集合, 一上到車, 原來得我地四個人係粉嶺上車, 個個團友都望住我地, 有點尷尬嘅感覺呢~~

去到皇崗過關, 跟住轉返國內個部旅遊車, 我地個團總共有廿一人, 第一站去咗荔枝公園, 唔係去參觀, 係去聽嘢, 晨早溜溜就聽個姐姐仔介紹桑芄茶, 降血壓、降血脂、降膽固醇、減肚腩, 係咪真係咁勁?! 聽聽下, 實在太眼瞓 

於是我地離開個間"演講"室, 出咗去抖抖~~

之後個站係去附近嘅茶莊飲茶, 飲完龍井飲人參烏龍, 聽個哥哥仔介紹, 原來人參烏龍全中國都無生產, 係台灣生產, 由台灣進口再加功之後出售!

 我地仲用咗20蚊, 飲咗碗石斛藥材燉湯, 飲之前仲加咗一匙石斛粉, 石斛好貴一両架, 廿蚊碗湯都算第囉~~~~~~

飲過茶之後就向惠州進發, 坐咗兩個幾鐘車, 因為司機哥哥唔識路(原先個位司機哥哥病咗, 所以換咗另一位), 係惠州巿中心兜來兜去, 最後導遊哥哥要用10蚊叫d摩托車哥哥帶路, 先去到酒樓醫肚!

食飽飽, 司機哥哥又唔識路去西湖, 導遊哥哥又唔認得路(佢話d環境變得太快啦~~), 又用咗10蚊叫d摩托車哥哥帶路! d摩托車哥哥食水真係深~~ 行無五分鐘嘅路就收10蚊, 原來佢地車一個客, 短路程都係收2蚊架咋~~

惠州西湖牌坊

入到去, 就見到呢個牌仔, 但唔知寫咩 " ??玩月"

湖邊風光 (但無乜好睇)

大家睇下, 有個傻佬係度扮有思意呀~~

東坡紀念館

九曲橋 (唔夠時間, 無行晒~~ 影張相留念就走人)

不知明塔 (其實係我唔記得佢係咩塔, haha....... 又係唔夠時間, 所以無上塔頂)

最衰時間唔夠, 我地又行得慢, 呢度又影下, 個度又影下!!! 搞到無去牌坊對面個巿場買惠州最出名嘅梅菜! 真係可惜! 可惜呀!

(to be contunue...... )