大日子啦 ~~ 驚喜篇

席間, 正想行去同同事們聊下天, 影下相之際, 中途俾兩位姊妹攔截咗, 要返埋位坐! 以為做乜事, 兩位姊妹奇奇怪怪的, 無啦啦問我一陣送客點安排, 都覺得古古怪怪, 生力清啤呀~~ 但估唔到會發生咩事!

點知, 突然熄咗燈, 張先生同埋兄弟姊妹們成班由門口好有氣勢咁行埋黎, 張先生拎住束粉紅色玫瑰, 行到我面前, 跪咗係度, 唱咗 "我願意" 其中幾句俾我聽! (其實聽唔清楚佢唱乜, 因為係國語 =.=) 跟住再加咗一句 "煮飯洗衫湊仔版" 嘅 "留給這世上我最愛的人"

 引得全場大笑呢~~ haha......

嘩~~~~~~ 真係好surprise呀!!! 好感動呀!!! 

沒想到張先生會俾個surprise我呀~~ 因為之前已經不停係咁叫張先生結婚個晚俾個surprise我, 同埋唱歌俾我聽(因為佢唔鍾意唱歌, 又唱得難聽, 一定唔肯唱) 但我都預咗佢無架啦~~ 點知班好姊妹幫佢安排咗喎~~

 <-- 驚喜之花

事後張先生告訴我, 原先佢諗住送999枝玫瑰俾我, 歌就唔會唱, 會播 "我願意", 但佢去花店問過, 999枝玫瑰扎唔到一扎, 要分兩扎, 仲要大到成張枱咁大, 再加上之前兩家人都搞d麻煩事, 搞到佢無心機安排個surprise俾我

... 又咁啱得咁Q班姊妹安排咗呢個同佢原意咁上下嘅surprise, haha......

真係多謝我班好姊妹們呢~~~ thank you!!!

仲要多謝我老公, 

肯豁出去, 眾目癸癸下唱首歌俾我, 真係好感動, 好開心呢~~~