BBQ

10 Dec 2006

大解放之後, 今次係第二次BBQ啦~~ 真係密密燒呢~~ hehe......

BBQ之前同媽咪舅父飲茶, 飲完茶返咗娘家坐下就返屋企...

嘩........ 返到屋企, 以為間屋俾人入屋打劫黎~~  滿地紙巾, d報紙飛晒係sofa同埋地下, 地下就踩到黑忟忟一撻撻, 張老太洗咗衫又唔晾, 焗係洗衣機成日(話說今朝九點幾開始洗), 好彩出門口之前, 鎖咗自己個房門咋, 如果唔係就大濟啦~~~

點解會咁, 依我估計, 一定係d姪仔姪女們上咗黎探爺爺麻麻吧!!!

見到間屋亂成咁, 第一時間睇下放咗結婚禮物個間房仔嘅情況如何, 好彩, 間房無遭殃, 只係個廳發生"劫案", 結果, 我咪要做亞四, 執屋、晾衫兼拖地~~~

搞掂晒, 時間啱啱好同張先生回合出發去小文屋企BBQ~~

小文屋企有隻好可愛嘅小肥貓 -- UN豬, 全灰色, 短毛, 好似毛公仔咁, 不過佢唔多肯俾人抱, 一抱佢就掙扎求脫! 多人嘅時候就呢係sofa底唔肯出黎, 好搞笑, 好得意呢~~~

肥貓捐隧道, 裝下你地搞乜鬼先...

費事彩你地, 係度攤抖下先~~~

B到12點先返屋企, 成點鐘先瞓~~ 聽日仲要一早返工......