聖誕節

25 Dec 2006

聖誕節係媽咪牛一o既大日子! 夜晚返咗屯門食泰國菜, 去咗山景村隔離楊小坑村o既芭蕉葉泰國菜館食!

呢間泰國菜都幾好味! 我地叫咗8個餸加埋冬陰公, 8個人食, 都係食咗590蚊, 超第呀!!! 個咖喱麵包蟹好好味, d麵包加埋d咖喱, 簡直就正正正呀!!! 蒜蓉翡翠螺都好好味, 又大隻! 燒挪威?魚(唔記得叫咩魚, 似秋刀魚但大條好多), 又係好好味!!! 仲有其他餸, 都good good good!!!

食飽飽就一齊返娘家切蛋糕! 個蛋糕係細妹整, 爸爸做"模術"指導, 點解?! 因為細妹煎好塊皮就一層一層就咁撻係度, 經爸爸指點, 用咗個心型模, 做咗個心形蛋糕!

個賣相就good good good, 味道就見人見志, 我就覺得d cream唔甜, 好似無落過糖去打咁, 細妹話要咁甜做乜, 媽咪話呢個味就啱, 但我同爸爸都覺得唔夠甜呢~~ hehe...

為食o既pizza妹妹想分一杯羮呢~~

係下晝, 自己一個去咗沙田逛街(因為張先生尋晚激嬲我, 今朝又無氹返我 =.= 咪自己去街唔理佢囉) 雖然自己心情唔好, 但係都買咗份生日禮物俾張先生! 係咩?! hehe...... 係兩條孖煙通呢~~

 未到boxing day佢就拆咗, 佢好鍾意呢~~

而我, 就無收到張先生送我o既聖誕禮物呢~~~~~