大日子啦 ~~ 感想篇

籌備咗差不多一年嘅婚禮, "啜"一聲就變成回憶!

當晚返屋企途中, 我都張先生都感到一身鬆晒~~

 唔駛再為結婚嘅事而煩惱囉~~~~~~~ 開始展開新嘅一頁, 共同生活, 共同分享生活嘅點滴!

其實開席前, 係新娘房化妝換衫, 完全唔知出面發生咩事?! 咩人黎咗又唔知?! 出面有多高興, 有多熱鬧又唔知?! 淨係企定定係backdrop前影相、影相又影相! 人地叫我做咩就做咩! 好多嘢都理唔到, 顧唔到呢~~

拎去酒樓嘅西餅放咗係另一間新娘房度無拎出黎, 分俾親戚d燒豬又唔記得分俾佢地(又係放咗係另一間新娘房度), 到散席時先醒起, 又要拎返返屋! 準備咗個假花球又唔記得掟! (姊妹們又無提我~~)  都好多嘢做漏咗呢~~~~~~~

最搞笑係, 媽咪d朋友、張先生d同事, 個個都話我瘦咗好多, 張先生d同事仲搞笑, 問張先生係咪無俾飯我食, haha......

  但係...... 我都只不過係瘦咗3磅左右, 基本上係無乜點變過, 只不過條肥腩扎住咗, hehe....... 放條肥腩出黎實嚇親佢地, hehe......

這夜好多親戚朋友同事都讚我好靚, haha......

 但係唔知係真唔係真?!

十個新娘十個都會俾人讚靚架啦~~ haha......

Anyway, 全個過程在混亂之中, 總算順順利利咁渡過~~