大日子啦 ~~ 入門篇

接近12點返到男家, 三哥已準備好茶, 張老太同張老伯不知幾開心呢~~ 敬茶時, 張老太笑到見牙唔見眼, 非常高興呢~~ 跟住就向二哥二嫂、三哥三嫂敬茶!

 三哥買咗一套茶杯放咗係屋企, 同我地買個套一模一樣, 但點解佢會買到6隻杯o既?!

換咗衫就回門返娘家!

返到屋企, 隻大金豬已送咗上屋企, 拜過神後, 由燒肉店員分豬肉! 嘩~~ 隻豬好好味呀!!!

  正!!!

搞掂晒, 就去咗隔離飲茶! 原先打算去沙田巿鎮公園影下相嘅計劃要告吹~ 因媽咪話一定要一齊食飯喎

3點鐘, 食飽飽, 同伴郎伴娘一齊出發往沙田美心坐~~ 等交場!