15 Dec 2006
今日放咗工要去做多一次抺片檢查! 張先生預先幫我去診所度登記先(雖然預約咗, 但每次登記後都等成2個鐘至有得睇), 係等待期間, 我地去咗山林道個間金鳳剧扒~~ (好耐都無去金鳳剧扒lu~~)
我叫咗個雜扒(左圖), 記得細個時, 去餐廳剧扒係一個奢侈o既, 因為食一個扒餐都唔係平呢~~~~~ 好難得媽咪先會帶住我同細佬去剧扒呢~~ 每次剧都會叫雜扒, 點解?! 咪就係細個唔識食, 同埋一碟裡面, 唔駛獨孤一味, 有多d美食囉! haha.........
今次食呢個雜扒餐, 有一塊豬扒, 一塊火腿, 幾件牛柳同埋一條香腸! 好好味 張先生叫咗個招排牛柳扒(右圖), 額外加咗19蚊加咗隻燒大蝦! 湯又加咗15蚊轉咗做龍蝦湯, 不過我估唔係用龍蝦黎煲, 第一, 無龍蝦肉, 第二, 陣味道係同個隻燒大蝦一樣味, 所以我估係用蝦, 而唔係龍蝦黎煲呢~~ 至於塊扒, 真係超好味, 又林又正~~~ 
食飽飽就返診所等檢查! 等咗唔係好耐就有得檢, 實在太好~~~~~~ 不過係見醫生時, 問咗醫生如果想有BB係咪唔係咁容易?! 醫生o既答案: 係會難o的, 因為一直以黎經期唔準, 加上曾經做過手術, 所以會比較難會有! Anyway, 還是順其自然吧! 難又唔代表無機會!!! haha...... 
你咁快就想有bb啦
回覆刪除haha......問定先遮~~ 一切順其自然啦~~
回覆刪除同意! 順其自然啦, 唔好比自己太大壓力呀~~! 祝你生個健健康康, 肥肥白白既可愛bb ~~
回覆刪除iaoiao, 謝謝你o既祝福!!!
回覆刪除係你ge 就係你ge ~~ 你想要個時, 唔比你, 你唔要個時, 就出現~ 平常心啦~~
回覆刪除haha...... 我都係咁諗, 順其自然啦~~ 有就有, 無就算囉~~ 可能註定咗無, 咁咪兩個人四圍去旅行, 自由自在囉~~ haha...
回覆刪除其實無bb有點,咪一樣有老公,仲自由添!~伱老公好錫伱!~
回覆刪除但係伱可以試下試管培養bb !~建議
回覆刪除亞玲, 謝謝你嘅建議, 一切順其自然啦~~~
回覆刪除一切順其自然吧， 唔好俾咁大壓力俾自己同埋你老公．． 加油呀．．．等你的好消息．． "Merry Christmas & Happy New Year "
回覆刪除Haha..... 我地都唔會係呢方面有壓力! 一切隨緣! Merry Christmas!!!
回覆刪除放心,放心,想當日我都以為自己無得生... Period未準過,年少無知先後落左三次bb,仲要係一年內... 亦有做過手術...到有左,的起心肝生,先知自己有地中海貧血...好在我先生無, d醫生姑娘仲緊張過我!!!生左2 日差d俾人開刀,個百厭星終於出0黎!!但呢d都係天賜既福氣! 祝你早生貴子and女!!
回覆刪除