回鄉祭祖

3 Dec 2006

一大清早六點鐘就起床, 出發去張先生嘅鄉下!!!

因為張老伯同張老太想返鄉下拜祠堂同埋大宴親朋, 為咗順從兩老意願, 同埋等佢地高興下, 所以就返咗張先生嘅鄉下!!!

搭咗兩個半鐘車, 全程只有瞓瞓瞓, 張先生就睇報紙~~ 個部旅遊巴果然係烈火戰車呀~~ 快到呀~~ 張先生都話驚驚呀~~~~~

返到鄉下, 就拜祠堂先! 祠堂新起好, 附近d屋仍好有鄉士氣息呢~~~

想當年, 細細個嘅張先生就係呢度睇電影架啦~~~~~

鄉間嘅住屋

兩位大叔幾勁, 成班靚跟住佢地喎~~

拜完祠堂, 我地就去咗間酒樓開餐啦~~ 嘩...... 一入門口, 就見到.......

好搞笑呀~~ haha......

 佢地果然係非常認真呀!!! 而着住T-恤牛仔褲嘅我同埋張先生, 都覺得非常搞鬼呢~~~~~~

是日都擺咗成12圍, 共有13個餸, 好多人都係唔識, 都唔知佢係乜水呢~~~ 係個度擺12圍, 就等於我地係香港擺一圍, 仲有錢找添呀~~~~~

開飯前, 佢地放咗條好長好大嘅炮仗, 好勁呀, 爆極都未完! 張先生同我講, 呢條炮仗係為我地而放, 勁呀!!!

食飽飽, 見到待應派d膠袋仔俾d人, 以為派黎裝生果, 點知............. 見到佢地將一碟碟食淨嘅餸, 倒晒係同一個膠袋入面, 心諗: 佢地袋埋一袋做咩呢?! 拎返屋企俾狗仔食?! 經張先生一提, 原來佢地袋返屋企, 留黎夜晚食!

 "大雜燴" 黎喎~~ 點食呀?! 張先生話鄉下人係咁架喎

告訴大家, 我原來做咗舅婆啦~~ 好勁呀!!! 話俾媽咪知, 佢都話咁犀利嘅! hehe......