第一次以張師奶身份做冬

22 Dec 2006

今日係冬至, 全個張家成員都到齊, 係我屋企做節!!! 真係墟磡呀~~~ 好似打仗咁呀!!!

是晚餸菜非常豐富呢~~

一來唔習慣咁多人迫埋一齊食飯, 總共17人, 一張枱又坐唔晒, d細路坐係茶几食! 成個廳爆滿!

第二, 實在太嘈啦~~ 頭都痛埋(張老太同大嫂嘅聲浪實在太勁)!!!

第三, 佢地搞到成間屋好似變咗街巿咁, 又嘈又烏糟!!! d細路都大啦~~ 點解食飯食到成地都係嘅?!

第四, 唔明十幾歲嘅姪仔, 點解都咁唔定, 全屋摷呢樣摷果樣!!! 又擒高擒低, 又企上張凳度睇電視, 又企上張sofa度坐, 又想拆埋廳部冷氣, 當時我地食緊飯, 睇住佢整個出風口、調溫制, 我都唔出聲, 忍!!! (但都已經黑黑地面) 跟住仲離譜, 想拆開個外殼, 真係忍無可忍, 示意張先生睇下個度, 有人想拆冷氣機, 成村人望住個姪仔! 佢父母都無出聲! 唯獨是張先生出聲! 唉.........

第五, 點解大嫂佢地唔係等齊人先食, 都未煮好晒d餸就邊食邊等 

 有煲炆花膠冬菇, 係咁摷! 叫其他人點食... 

當佢地離開之後, 間屋好似打完仗咁, 地板烏糟到爆! (二嫂好好, 臨走前幫我抺過地下先! 其實有阻止佢抺架, 但阻止不了呢~~) 雖然抺咗一次, 但都唔夠乾淨呢~~ 佢地走晒之後, 就進行清潔工作, 拖拖下都無心機拖, d黑忟忟烏積好難抺呢~~

結果, 向張先生發咗個少少脾氣, 我話好攰, 唔抺啦(其實係佢地未走時, 搞到間屋咁, 張先生都知我心情都已經唔好), 結果, 張先生自己係度抺!

唉.................. 往後嘅做節日子點算! 獲獲搞到咁烏糟好難頂呢~~ (本人有少少潔癖呢~~)