男人心, 海底針

20 Dec 2006

人云: 「女人心, 海底針」但其實「男人心, 海底針」至啱呢~~

男人好多時會收埋收埋自己嘅想法、感想, 有時好難觸摸佢地究竟所諗、所想! 女人剛好相反, 有咩事都會同自己嘅男人講, 可能因為男人唔想自己嘅女人擔心、憂心?! 總有佢地嘅原因!

晚上同龍嫂食飯, 傾開男人, haha...... 原來佢都覺得男人總是收收埋埋, 好難觸摸呢~~ 龍嫂, 你要努力呀!!!

*******************************************************************************************

晚上去咗龍嫂媽媽屋企食晚飯, Auntie做大廚呢~~ 有蒜蓉豆苗、魚肉炒芥蘭(魚肉自己炸過再炒)、炸魚柳、燒肉排同埋涼伴青瓜! 好好餸呢~~ 真係辛苦晒Auntie!!!

Auntie手勢一流, 好好味!!! 炸魚柳炸得好靚, 金黃色, 凍咗個炸皮都仲好脆, 勁呀!!! 涼伴青瓜好入味, 少辣, 好正呢~~~~~ 請教咗Auntie點整, 但係無抄底嘅關係, 唔係好記得添... haha...... 下次拜訪Auntie時要帶埋本筆記簿先得!!! hehe......

Auntie仲整咗拿人嘅醉雞, 我同龍嫂一人半隻拎返屋企! 未食, 所以唔知係點呢~~ 相信一定好好味吧!!!