遊戲展 + 工展會

16 Dec 2006

今日o既節目非常豐富!

第一站去咗張先生期待已久o既遊戲展, 睇佢夢寐以求o既PS3, 真係好正, 畫面超靚! 唔係好打機o既我, 都贊成張先生買, 三千七百幾一部再送3個games, 都好第買! 不過張先生都無買, 諗住遲下先呢~~

去完遊戲展, 第二站去咗工展會, 這是第一次去工展會呢~~ 好多嘢睇, 好多嘢試飲試食, 我同張先生兩人邊行邊試呢~~ haha......

 用咗4蚊買咗個粟子和果子食, 好煙un, 好好味!

行呀行, 係場中間放咗個關於2008北京奧運o既宣傳攤位, 憑入場卷會分發一個願望球(其實係一個乒乓球) 我同張先生一人一球, 分別寫咗我地o既願望呢~~ 然後放係輸送帶度, 將個願望球傳入呢個大箱中(下圖)

是一晚餐就係一人一碗豬軟骨拉麵, 廿蚊一碗, 都幾好味! 同埋一兜牛雜(13蚊)! 入面仲有好多美食呢~~

今日大豐收呀~~ 買咗......

戰利品1:

價值100蚊o既寶康達o既地拖, 送多兩個海綿呢~~ 因為買咗個智能煲, 平咗100蚊, 基本上呢個地拖係送o既~~ hehe......

戰利品2:

價值1288蚊寶康達o既快速智能煲(送埋部車仔推返屋企), 可以煲飯、煲湯、煲粥、蒸、燉、焗普通蛋糕, Promotor Auntie聲稱煲45mins o既湯等於煲咗3個鐘, 係咪咁勁?! 就真係唔知, 同埋唔係因為咁而買呢個煲呢~~

最主要最佢o既原因係:

(一) 返緊工都可以煲湯, 唔駛用真空煲, 本來想買真空煲, 但係聽好多人講真空煲煲出黎o既湯唔夠明火煲咁好味, 所以都打消咗買真空煲o既念頭

(二) 想買個電子燉盅, 係威馬電器counter睇到一個, 要成四百幾蚊, 得一個用途好似好貴, 同埋又唔係成日用, 所以要再細心考慮買唔買燉盅

(三) 買左呢個智能煲, 一煲多功能, 第時搬咗都唔駛買電飯煲呢~~

(四) 送多一個內膽, 咁咪可以一個用黎煲湯, 另一個用黎煲飯!

雖然未知佢係咪咁正(因為未用), 如果係正o既話再向大家報告!

戰利品3:

價值200蚊o既攪攪機, 主機內附一個攪肉、一個磨碎(左二), 另外附送一個豆漿內膽(左一)、保溫杯(右二)同埋一個磨碎內膽(右一)

呢部嘢係百貨公司家品部見到promote時都想買, 但買黎又可能無咩用, 今次點解會買?! 竟然係張先生主動提出買俾我, 可以自己搞肉, 衛生d, 唔駛剁蒜蓉咁辛苦~~ hehe......