七月廿一日星期五, 與張先生同埋佢班同事一齊去西貢家庭樂 ~~ 遊船河, 今次可說是第一次與佢呢班同事一齊遊船河(上年佢地無搞家庭樂, 只係全男班去玩, 所以我無得去=.=), 去之前都好開心o既, 去完之後就.......................................
不過今非昔比囉~~ 張先生都無乜點理過我, 而我又同佢d同事又唔熟, d同事亞太/女朋友又唔識 (因為好少見面 / 搞活動), 再加上當日都無乜亞太/女朋友去, d亞太又唔得閒要睇細路仔, 而d女朋友們就當然有男朋友仔陪啦, 而張生就...... 唉......淨係顧住陪佢d"老細"賭錢 ... 我就戇居居自己企係船邊吹海風, 影下風景, 真係可憐又寂寞o既張師奶囉~~~ (都無乜心機影相.................)
(上圖) 沿途都有好多呢d小山丘, d石好得意, 好似一條條石柱好有層次咁插咗係度!!!
(上圖) 大家見唔見到有隻帆船係海入面呢~~ 肉眼睇時無咁細, 直接係相機睇又睇唔到, 心諗: 唔係咁邪呀麻???? 要放大好多陪先隱約見到, haha.......
坐咗太約45分鐘船, 就去到一個沙灘 -- 白臘, 個度水清沙幼, d小朋友已急不及待落晒水, 向海灘進發, 而我就要等埋張先生, 點知就遇着兩位"老細"要比賽, 鬥快由船游到沙灘, 再係沙灘攞個排球才算嬴 =.=, 當然呢個比賽又係係度賭錢啦 =.=""" 結果我就唔知邊個win, 因為我無乜興趣知, 只想可以快d落水消暑, 同張先生玩水 (諗住......), 落咗水, 張先生無理我, 一直向岸進發, 而我就攬住個水泡, 慢慢係度young下young下咁向岸進發 =.="""
我就係個海度飄浮, 睇住張先生上到岸就同佢d同事 & 兩位"老細"踢波, 完全莫事我o既存在咁, 好彩臨上船前買咗個水泡, 如果唔係, 浮又無得浮, 游水又無人陪, 又無氣無力游 (自問游術不精, 只係小識) =.="""""" 結果, 由佢地踢波開始, 我就戇居居, 萬無目的咁自己浸水浸咁耐 (估計大概個零鐘左右啦), 期間張先生話過踢多一陣過黎陪我, 點知......又係食言!!! 又叫我一齊踢, 我跑都跑唔郁, 踢乜鬼足球丫~~ 又叫我企係度睇佢地踢 ==""" 仲無聊~~~ 結果, 浸到等佢地踢完場波, 攰啦, 要返上船食嘢先叫做陪一陪我游返上船 (其實都唔算係陪我玩水, 唉... =.=""")
食飽飽, 張先生就好奇心推使之下, 同我一齊划船仔去另一邊d石有兩個洞, 睇睇有d乜, 划到去, 乜都無, 只係有個類似啖罐o既物體係洞入面浮下浮下, 係划船仔途中, 係我地去個個沙灘o既另一邊, 亦有個灘, 個度睇落去d沙好粗, 得一小群人係度摟埋一堆, 唔知係度搞乜(實在太遠, 睇唔清楚d人搞緊乜), 張先生就懷疑個班人係度拍四仔(幾個人都着住衫着住長褲, 唯獨是有個係着住三點式, d人又係度築圍牆咁, 所以張先生有此懷疑), 唔知係真唔係真呢??? 這樣一來一回划艇, 用咗半個幾鐘左右吧, 而張先生真真正正陪我, 就係這個划艇時間~~~ 這次亦是我第一次划艇仔, 初初都控制唔到, 有點難度, 最後熟習咗就好d, 不過划咗陣就無乜力!!!
當差不多返到船時, 佢個"老細"係海中(係船頭), 話見到兩條白海豚拍住拖係度暢泳, 叫我地划埋去佢度, 點知..................=.=""" 個兩條拍住拖係度暢泳o既, 就係佢 "老細" 白雪雪o既 pat pat =.="""", 佢"老細"仲游咗過黎我地食小艇度, 仲話要上我地隻艇, 嚇死我囉~~~~~~ =.=""""""""""""" (因為我相信佢"老細"咩都做得出) 即刻攬實自己個水泡擰咩面 (以防佢真係爬上黎返咗艇時唔駛浸死, 順便用個水泡遮一遮 ~~) 但佢"老細" 又猛叫我俾個水泡佢, 佢話唔上艇先肯俾佢, 一陣我跌咗落水浸死我咪弊家伙!!! 好在佢就攬住我個水泡游走咗, 我地就平安上返船~~
休息咗一陣, 佢另一位"老細"又吹雞話上岸開波 =.="""""""""""""", 當然張先生最後又係上咗岸同成班同事踢波 (唉...............) 而我, 咪又係浸浸浸囉..........................................
係我自由浸自由晒期間, 佢兩個同事就分別同佢地個女朋友嬉水, 一pair就玩獨木舟, 另一pair就玩浮床, 真令人羨慕呢~~~ 其中一pair個男同事, 仲問我張先生呢??? 我話佢係度踢緊波呢~~ 我仲問返佢做乜唔踢, 佢回應我佢唔鍾意踢波, 咁又係o既, 成個女朋友係度, 俾我都揀同女朋友嬉水啦~~
唔通結咗婚就係咁??? 記得想當年未結婚, 又係同張先生去遊船河 (個時個班同事就熟d, 同d亞嫂都好傾d, d細路仔又好玩d), 個時佢成日都陪住我, 又影相, 又嬉水, 真係好開心架!!! 但依家就............................................................唉................................................................ I don't like lei~~~~~ 咁同自己一個去沙灘玩有何分別?! 自己一個人去可能還好呢~~ 起碼唔駛唔開心, 唔駛睇住老公同人地玩, 唔陪自己~~~~~~~
不過應該都係個人問題遮, 別人o既老公係回程時, 都會陪下老婆o既, 而張先生就.....................又係係度同同事賭$$$ 又係完完全全無理過我, 由我自生自滅, 自己將個水泡放氣, 我真無用呢~~ (人地一pair pair影相呀, 浮床放氣呀, 食嘢呀, 湊仔呀......) 真係依家諗返起都想喊, 點解我老公咁架~~~~~~ 不過我都好叻架啦, 無發佢脾氣, 俾足面佢! 不過我覺得我唔發火佢當我病貓囉~~ 唔會識咩叫做識可而止! 就算我發佢脾氣, 佢又咪個句: 陪"老細"玩下遮, 擦下鞋! o既然都知佢會咁同我講, 咁我又可以點呢?!
上岸之後, 佢其中一位"老細"就帶咗我地去滿記隔離個間意大利餐廳開餐 (Pepperonis Piza & Cafe), 但唔覺特別好味, 與Spaghetti House差不多, 平平凡凡, 最好味都係個杯朱古力忌廉, 好好味呢~~ 食飽飽就回歸!
總括這個行程, 本來應該係開心o既, 但係張先生如此表現...........唉...............................
陽光與海灘過後o既後遺症就係晒到紅晒, 由其是鼻, 膊頭同埋背脊, 連頭頂都痛, 今晚條頸唔知做乜, 仲超痕呀~~~ 鼻同塊面都開始脫皮啦!!!
