團年飯

21.1.2009

今晚同公公、婆婆、舅公仔、姨姨、太嫲、叔公叔婆、姑婆丈公食團年飯!

嘩... B仔媽一見B仔, 真係心都痛埋, 好赤個隻添呀!!! 撞到塊面瘀晒!!! 唔係細撻個隻! B仔唔痛我見到都覺得好痛呀!!! 唉......... B仔, 你乖d啦~ 唔好撞到呢度瘀個度傷得唔得呀?! 媽媽真係會勁肉赤架!

除咗B仔媽心痛, B仔爸見到都好肉赤呀! 不過佢就無出過聲, 但B仔媽知道佢一定唔多高興架啦! 但無計, B仔確實好曳, 婆婆又唔能夠24小時貼身 "目及" 住呢個頑皮仔!

回家途中, B仔爸問B仔媽點搞?! 咁可以點搞呢?! 真係唔做嘢湊B仔嗎?! 種種原因, B仔媽又唔多想住, 倒轉頭問, B仔爸照顧B仔時可唔可以24小時貼身"目及"住個仔呢?!

當然B仔爸唔會咁衝動, 思前想後, 結論係等B仔讀書至再作打算!

B仔真係要乖d啦~~ 唔好再撞黎撞去啦, 少少撞瘀唔緊要, 不過唔好越黎越大單嘢就得架啦~~ B仔爸同B仔媽真係接受唔到架啦!