提早行花巿

23.1.2009

今日攞咗半日假有d事辦, 之後諗住同B仔爸去睇<澳大利亞>, 點知...... 咁快就落咗畫啦?! 同埋勁多人排隊買飛睇戲!

結果, 戲就無得睇, 兩口子走咗去花墟同旺角花巿行大運! haha.....

戰利品無買到花, 買咗隻好得意o既牛! 佢話原本賣88蚊, 依家78蚊俾B仔媽, B仔媽話我睇埋其他檔先, 個妹妹仔就話68蚊, 睇埋其他檔都係返轉頭搵返妹妹仔買, 因為全場至得意個隻牛就係呢隻! 唔知B仔見到鍾唔鍾意呢?! haha......

除咗買咗隻牛牛俾B仔, 仲有頂牛屎帽呀! haha... 好搞笑呀! 不過大拿拿88蚊呀! 無價講呀!

有無見過當牛牛遇到牛屎會係點?! 咪就係咁囉~~

唔知B仔見到隻牛牛霸咗佢張食飯凳會有何反應呢?! B仔媽估計B仔應該係唔會理佢, 繼續忙佢o既嘢! haha......

買完嘢同B仔爸兩口子去咗稻香打邊爐食團年飯! 可惜明天輪到B仔媽要返工, B仔唯有係婆婆度啦~~