張B仔16個月大啦~~

10.1.2009

張B仔16個月大啦~~~~~

今日天氣非常凍, 又係烚烚烚嘅好日子呀! Haha...... 今次無買海鮮, 因為街巿d海鮮唔多吸引呢~~

B仔只能遠觀, 不能近坐! 之但係, 都係電視較為吸引佢!

等食嘅B仔, HAHA........

尋晚B仔超曳, 夜晚10點幾扭到12點都唔肯瞓, 又唔俾人熄房燈, 一熄燈就喪喊, 抱佢又唔瞓, 超眼瞓到唔肯睇, 唔知做乜?! 今晚又係咁, 又係唔俾人熄燈, 但扭咗一陣就瞓咗, 好彩遮~~

16個月大嘅B仔.......

係咁叫"媽咪", 但又唔係叫我喎, 係度除口"up" =.=""""""

擒黎擒去, 識得擒上茶几、窗台, 大濟啦!!!

成日一發爛咋就爬係地度, "hom" 頭向地, 教極佢都仲係要"hom"頭, 點解會咁架?!

唔係呢度瘀就個度瘀, 額頭間唔使都起棟樓俾B仔媽嘆 =.="""

鍾意無啦啦玩玩下瞓係地上面唔知做乜?!

依然係車痴, 勁鍾意玩車

鍾意食白方包

開始唔係咁鍾意食粥仔

................