世上只有自己媽媽最好

24.1.2009

今日天寒地凍晨早輪到B仔媽要工, 真係痛苦!

放工返咗屋企樓下同公公婆婆姨姨飲茶, 公公婆婆幫B仔媽湊咗B仔返黎呢~~ 實在太~~ 好啦!

B仔婆婆唔單止湊B仔返黎, 仲要幫B仔媽買埋今晚餐餸, 買埋料俾B仔媽煲湯, 買埋椂柚葉俾B仔媽年三十晚煲水沖涼, 買埋一盒齋過年煮黎食, 買咗芥蘭苗、菜心、西蘭花仲有蜜糖豆, 個雪櫃一下子爆晒棚! haha...... 婆婆可能驚B仔媽一家過年無啖好食呀! haha..... 所以話呢~~ 世上真係只有自己媽媽最最最...... 好架~~

公公婆婆姨姨坐咗一陣就返屋企!

是晚愛心靚湯 -- 牛蒡紅蘿蔔粟米豬骨湯(正呀!)

蒸咗條石蚌魚, 好鮮甜, 仲有薑汁炒芥蘭苗!