6.4.2008
今日好滿足呀! B仔媽可以瞓到差唔多12點至起床呀~~~~~~~~ 點解?!
因為晨早6點B仔要食奶, B仔媽去沖奶, B仔爸餵, 跟住B仔媽就煲定粥仔晏d食~~
到10點左右, B仔又嘈食, B仔媽頂唔順, B仔爸自動波去沖奶俾B仔食, B仔媽叫B仔爸用粥水沖奶呢~~ 因為B仔返黎屋企兩日都未去大大! 之後B仔媽就瞓到不醒人示, 到瞓醒至知B仔係我隔離一齊瞓! haha...
瞓醒食飽輪到B仔食粥粥, 點知........................................... 問B仔爸d粥粥放咗去邊, 佢竟然話: 我見唔好晒, 食晒~~
B仔媽當堂...
... 粥水係用黎開奶, d粥係諗住晏d放埋d肉同節瓜茸去煲粥仔俾B仔做午餐....................................
粥粥俾B仔爸食晒, 懶得再煲, B仔今日唯有食奶奶算~~ 舊節瓜留黎今晚滾湯!
下晝無節目, 拆咗大姨媽俾嘅Play mat俾B仔係地下玩~~ 續塊抺, 抺到我丫~~ 抺完又放係窗台晒乾, 期間兩仔爺瞓到豬的一樣 
跟住就同B仔爸一齊砌張Play mat~~ 砌完之後, 好colourful, 好靚啊~~ 即刻放B仔去攤下先~~ hehe......
呢個只係砌咗一半咋~~ 仲有另一半呢~~
好鬼溫馨le~ hahahaha!!!!
回覆刪除係咪真係要ABCDEF咁順序砌落去ga???
[版主回覆04/09/2008 11:50:00]諗住佢大個d時可以順便教埋佢麻~~
吓~~用粥水來開奶
回覆刪除乜唔係米水咩????
[版主回覆04/09/2008 11:51:00]米水同粥水有咩分別?!
你收唔收返張play matt架? 我砌九格都想C..因為我會收返...
回覆刪除[版主回覆04/09/2008 11:59:00]我又無諗過收返喎! 諗住B仔返屋前至抺下佢咋~~
洗完d 米, 加熱水落水壺焗水.. (d大肚婆坐月就炒熱d米之後加熱水焗水)..
回覆刪除但粥水....咪係你平時煲完稀粥既水份囉! 用來開奶會唔會太杰?
[版主回覆04/10/2008 10:04:00]哦~~~~~~~~~~~~~~~~~~~~~~ 原來如此!
我用個電煲煲粥, d水唔杰喎~~ 所以我係個煲度煲完d粥都會用明火再煲一煲佢, 咁至會杰!
d play mat 最好都係收番好d!
回覆刪除放係到好易痴塵又痴細菌啊~好快黑呢
[版主回覆04/10/2008 10:05:00]下~~~~~~~~~ 唔係化! 咁咪個個禮拜砌餐c~~
張play mat好靚呀!
回覆刪除