第一次啜腳指

20.4.2008

尋晚d雨實在勁大, 所以B仔媽同B仔爸都留係婆婆度瞓! 今朝一早, 天氣勁好, B仔爸就去做嘢~~

B仔媽係娘家陪B仔, B仔第一次啜腳指俾我見証咗啦~~~~~~

話說B仔媽係度上網, B仔坐係車仔度玩緊時, 玩玩下係度玩腳指, 跟住搵住食腳, 呆望咗兩三秒, 跟住就一嘢塞隻腳指公入口!

B仔媽第一時間阻止佢啦~~ 相機又放得遠, 影唔切呢一刻呢~~

之後, B仔又捉住隻腳, 瞄一瞄B仔媽, 跟住見我無反睥住佢, 佢又想塞隻腳指公入口, B仔媽好惡咁喝止B仔, B仔就扮晒矇仔咁, 笑笑口, 縮返隻腳出黎, 隻手仔仲攬住腳仔, 腳仔伸到直一直, 借d以扮晒乜都無發生咁, 放返底隻腳!

B仔媽見到佢扮矇仔, 都忍唔住笑, Haha...... B仔見我笑, 佢又笑!

就係咁, B仔媽見証咗B仔第一次啜腳指呢一刻!