註冊兩週年

29.4.2008

兩年前嘅今日, 係我同B仔爸註冊嘅大日子!

今晚本來想去食buffet慶祝, 但諗下諗下, 無謂咁奢侈, 兩個人, 食一餐buffet, 無六百蚊都唔駛出門口, 倒不如攞d錢去買嘢仲好! haha..........

結果, 我地去咗沙田新城巿廣場食嘢, 個度裝修後開咗好多間食店, 間間都想食, 最後我地揀咗"ParkView"剧扒!

我地一人叫咗一個晚餐! 叫一個晚餐仲可以去自助salad bar度拎沙律~~

B仔爸唔好蝕咁, 拎咗一大兜...... 堆埋一堆, 幾咁肉酸!

B仔媽拎個兜靚幾多... 呵呵......

餐飽

餐湯~~ 雞絲雜菜湯 (好味)

南瓜忌廉湯 (好味)

美國牛柳 (好味, 好juicy, 好林, 正~~ 不過細件咗d)

新西蘭羊扒 (B仔爸話好正~~)

食飽飽, 閒逛咗一陣就返歸!