兒童節+清明節

4.4.2008

今日B仔爸要返工, 又係得返B仔媽和B仔! 清明節唔洗拜山, 兒童節又唔得閒同B仔慶祝, 點解?!

忙都傻呀~~~

瞓醒B仔食飽飽, 就應B仔爸要求, 帶B仔去見佢嫲嫲, 好耐無見囉~~ 都無乜所謂! 去到之後, B仔又勁喊, 要啜下奶嘴至肯收聲, 耐咗就肯俾嫲嫲抱!

不過又好煩, 又話裝修好間屋返去住, 又踩我間屋, 又話我間屋細, B仔無地方玩, 對B仔唔好............ =.=""" 我間屋係咪真係咁討佢厭呀??????????????

我話唔返去住, 佢問返我轉頭, 係咪驚要照顧佢兩老? 又話佢兩老行咗唔駛用我d錢........................

唉......... 叫我點答佢好?! 我又唔係唔理佢地, 照顧佢地係應該, 只不過我都係想有個屬於我地一家三口既家遮~~ 明唔明?! 可唔可以放過我地呀?!

坐咗成個鐘, 跟住就行咗一陣街, 同B仔兩個人去食元氣, B仔當然無得食, 但瞓到豬的一樣, B仔媽就非常滿足, 好耐無食過元氣啦~~~ 正!

食飽飽諗住去逛一陣買衫仔俾B仔, 點知................. B仔爸急call, 話B仔嫲嫲係我地屋企樓下等緊我地, 話買咗條山班魚黎俾我煲湯, 唯有飛的返屋企 =.=""""""""""""""""""

B仔媽真係火都黎埋, 得我一條友, 買條魚俾我做乜?! 我自己點食?! 唔好話食, 湊住B仔去toilet都唔得閒, 莫講話煮飯煲湯! 剛才見面時又唔講, 又唔問下, 鍾意買就買, 唉............................................. 佢自己又唔捨得買俾自己食, 呢個奶奶真係好得濟, 但好煩!

拎咗條魚同一舊大豬展返屋企, 放低就同B仔去街巿買淮山同紅蘿蔔黎煲湯! 返到屋企都未得閒過, 幫B仔沖涼, 食奶, 氹B仔瞓, B仔唔瞓搞唔到其他嘢!

個條魚仲要超難洗, 成條滑"散散", 又用麵粉, 又用鹽都擦唔掂, 洗咗差唔多成粒鐘, 鹽都用咗我半盒呀!!! 最後要打俾B仔婆婆求救, 話要用d熱水浸一浸, 再用鹽擦至得! 之但後照住黎做, 都滑"散散", 不過就比之前好d~~ 谷鬼氣, 剪晒d尾, 魚鰭(呢d最 "滑" )至接受到!

搞掂煲湯, 跟住就吸塵抺地洗廁所................ 總之就忙忙忙!

呢云真係先甜後苦, 好滿足地食完元氣, 點知返到屋企俾條魚玩謝!