29 Apr 2007
夜晚同爸爸、媽咪、細佬、亞ming、亞婆同埋兩位亞姨一齊去咗黃金海岸酒店食buffet 
因為黃金海岸做緊promote, HKID Card No. 有"2", "0", "7"是旦一個數字就全枱有七折, 咁咪一家人去食囉~~
張先生一開波就食咗碟好正嘅刺身, 有三文魚、北寄貝、生蝦同埋八爪魚! 實在太吸引啦~~ 坐係隔離嘅我, 見到流晒口水呢 
係苦苦哀求張先生之下, 佢批准我食一塊三文魚刺身呢 
我都知自己好唔聽話架啦, 不過只係一塊, 過下心癮, 等到小寶寶出世之後至再食!
翡翠螺、個隻唔知咩蜆咁上下嘅嘢, 但好鮮甜, 好食過蜆! 仲有果隻大頭蝦, 係初初至出, 之後出嘅都係普通嘅蝦! 無得食三文魚刺身, 唯有食住煙三文魚先! 
我同張先生一人一隻!
生果方面選擇都算多, 有西瓜、哈蜜瓜、火龍果、菠蘿、奇異果、梨、蘋果、橙、提子、布冧! 不過到我食生果時, 好多生果已無晒! 
同埋呢度有d食物可能出一兩次就唔會再出 
好似長腳蟹、大頭蝦、精緻嘅甜品、橙、布冧, 可能有d出咗但我無緣一見兼一試個d, 呢方面就真係唔係咁滿意!!!
28 Apr 2007
今日張先生要返工, 無無聊聊嘅我自己食過早餐, 去咗圖書館睇下BB雜誌 
同埋睇下有無咩育嬰書借返屋企睇下, 點知... 係借唔到嘅~~ 
剪完髮, 去咗吉之島閒逛, 跟住就返娘家食飯! 好耐無見過Pizza妹妹啦~~ 佢都好耐無見過我囉! 佢見到我時比平時特別興奮呀! 係腳邊跳下跳下博你抱佢 
行到邊又跟到邊, 以前邊會咁架~~ 跳兩跳唔理佢, 佢都唔再理你囉~~ haha...... 
家陣搭小巴唔頭暈啦! 唔知搭船掂唔掂呢?! 
27 Apr 2007
今晚放工同張先生去咗大尾篤泰太廚房食晚飯, 慶祝我地註冊一週年紀念呢~~ 其實正日係4月29日呢~~ 點解會早咗兩日慶祝??? 因為當日將會同屋企人去黃金海岸食buffet呢~~ haha... 
泰太炒飯 (都辣呀! 裡面有蝦、鮮尤、帶子, 仲有細細粒o既青、紅椒, 食到張先生又勁流汁, 好似啱啱洗完面咁, haha...............)
總結, 最鍾意都係個燒牛仔骨, 燒得好香, 再配埋d汁, 好好味! 其他就普通啦~~
24 Apr 2007
今日放工去咗張醫生度檢查, 五點鐘就閃人去登記, 準時五點半到達! 姑娘話要等好多個, 我見雨落得唔大, 於是去附近嘅護協睇下B仔嘢!!! 個度好細呢~~ 睇咗一陣就走人, 落到街竟然落好大雨 
於是去咗附近個間澳洲牛奶公司醫肚! 因為我知今日檢查實要等好耐 
唔理佢時, 佢就不停係咁跳跳跳, 於是摸下佢, 佢又停落黎 
當我繼續睇雜誌時, 佢又不停................. 摸下佢, 佢又停 唔知佢係咪知道Daddy媽咪一陣會見佢一面, 興奮得濟係度跳無呢??? 
咗???
上次檢查時去咗抽血驗唐氏綜合症, 驗血結果嘅機會率係超底呢~~ 所以可以放心放心啦!!!
呢排肚皮唔知點解好痕, 問一問醫生, 佢話受到hormone影響係會痕癢, 有d孕婦痕到生, 佢又話有個孕婦痕到頂唔順, 要求提早生個b出黎添呀~~ 咁誇張 
於是醫生開咗樽藥膏俾我揸呢~~
小寶寶你要繼續努力, 健健康康咁成長呀!!!
一陣放工去張醫生度產檢, 好緊張呀~~ 又好興奮呢~~ 又可以見小寶寶一面啦!!!
點解會緊張?!
因為呢幾個禮拜開始feel到小寶寶郁, 今日郁得仲犀利咗喎~~ 唔知佢係咪知道Daddy媽咪今日會與佢見面, 所以佢都好興奮呢~~ haha.............. 
23 Apr 2007
今日臨放工前, 姐姐仔、Pinky、鍾太、Vivian仲有我一齊為傻Kit舉行佢廿五歲嘅牛一Party!!!
之前完全無通知傻Kit呢~~ 所以佢入到房, 開心之餘仲要俾我地嚇親, haha...... 因為熄晒燈, 當佢一入黎時, Pinky係門側邊扮鬼嚇佢呢~~ haha......... 笑到我地丫~~ 
有懶到就黎成精嘅姐姐仔, 特登上網搵個豆腐芝士食譜, 特登去買個電動打蛋器, 特登係蛋糕入面加埋燕窩, 好有heart咁整個很有代表性嘅 "白板" 蛋糕送俾傻Kit賀佢牛一, 真係唔話得!!! 
有個待你咁好嘅朋友, 你要好好珍惜呢~~~ 我都未試過有朋友親手整個蛋糕黎同我慶祝牛一呀~~~ 
傻Kit, 牛一快樂!!! 咋咋臨搵返個如意郎君!!!
開餐~~
)
