請投B仔神"勝"的一票

各位Aunties, Uncles, 哥哥s, 姐姐s,

有空的話, 請投我B仔5票啊~~~

每人每日最多可以投5票架~~~

http://www.baby-kingdom.com/promo/gsk/cute_enlarge.php?pid=486

票多者勝!!!

謝謝!!!

張B仔

註冊兩週年

29.4.2008

兩年前嘅今日, 係我同B仔爸註冊嘅大日子!

今晚本來想去食buffet慶祝, 但諗下諗下, 無謂咁奢侈, 兩個人, 食一餐buffet, 無六百蚊都唔駛出門口, 倒不如攞d錢去買嘢仲好! haha..........

結果, 我地去咗沙田新城巿廣場食嘢, 個度裝修後開咗好多間食店, 間間都想食, 最後我地揀咗"ParkView"剧扒!

我地一人叫咗一個晚餐! 叫一個晚餐仲可以去自助salad bar度拎沙律~~

B仔爸唔好蝕咁, 拎咗一大兜...... 堆埋一堆, 幾咁肉酸!

B仔媽拎個兜靚幾多... 呵呵......

餐飽

餐湯~~ 雞絲雜菜湯 (好味)

南瓜忌廉湯 (好味)

美國牛柳 (好味, 好juicy, 好林, 正~~ 不過細件咗d)

新西蘭羊扒 (B仔爸話好正~~)

食飽飽, 閒逛咗一陣就返歸!

扭計大王

27.4.2008

今朝B仔瞓到十點幾就起床(當然期間有嘈過食奶啦~~) 但係B仔媽唔想醒住, B仔就係我旁邊碌黎碌去, 我就恰下恰下咁~~~ 搞到B仔媽想瞓多陣都難! 難! 難!

差不多十二點B仔嫲嫲黎咗睇B仔, B仔唔肯嫲嫲抱呢~~ 一抱就喊, 仲要大大滴眼淚流出黎~~ 坐咗個零鐘, 一直睇住B仔坐係地墊玩, 期間都嘗試抱B仔, 但都失敗, 嚇到嫲嫲都唔多敢抱佢呢!

嫲嫲走咗之後, 其實B仔好想瞓, 但放佢係床仔又唔肯自己瞓, 係都要黐住B仔媽, 望唔到我又喊, 唔抱佢又喊, 抱住就好地地, 但係點都唔肯瞓 .......

於是B仔媽孭住B仔落樓下行下超巿, 諗住等B仔可以瞓一陣, 同埋想買BB Cheese整薯蓉俾B仔食, 點知個間所謂大百佳, 竟然無喎!!! 行埋惠康, 又無!!! 睇黎搵日又要去行下Taste買至得!

今日無煲粥, 但整咗薯蓉俾b仔食, 好似杰咗d, 於是溝咗d B仔奶入去!

B仔初初都唔肯食, 但可能肚仔餓, 都食咗一半, 但之後又係度扭計.......................

於是沖咗5安奶俾B仔食! 食飽飽仍然唔肯瞓, 但果時佢都超眼瞓架啦~~ 但扭計扭咗係45mins, 頂佢唔順, 於是同B仔白白豬~~ 等佢沖完涼可以舒舒服服瞓覺豬~~

白白豬完都唔肯自己瞓, 係都要B仔媽抱 ... 咁唯有抱佢瞓! 正在韻讓緊時(果陣都5點幾), B仔爸就打黎話返到黎, 係樓下等我地! (車B仔返婆婆度呢~~)

八掛仔一邊坐車, 一邊望風景, 完全唔記得自己係想瞓覺!

B仔媽好想B仔瞓一瞓, 成個下晝都無瞓過呀! 於是出動紗巾仔攝面仔呢招! 不消5分鐘就瞓到豬的一樣! B仔好鍾意攬住d毛巾瞓覺架~~ 唔知係咪胎教, 因為B仔媽瞓親覺都鍾意攬住條大毛巾瞓嘅呢~~~

一落車B仔就醒咗! 真希望車程可以遠一點, B仔就可以瞓耐一點!

返到婆婆度, 開咗張地墊俾B仔坐係地下玩!

B仔今日嘅表現係奇~~~~~~~~~~~~~~~~差呀!!!

又到無聊星期六

26.4.2008

尋晚B仔舅父車咗我地返屋企, 今朝B仔爸放工返黎, 去搵位飲茶, 點知我同B仔去到酒樓時, B仔爸自己已食飽 =.=""""""""""""""""

B仔媽叫咗一籠叉燒飽同埋海鮮扎就搞掂~~ B仔媽自己一人食晒成籠飽, 本來都唔想叫飽, 都係為咗B仔有包包食至叫咋~~~

天氣唔多好, 矇查查咁, 能見度超底, 空氣好似好污糟咁, 所以無地方好去, 又係留在家中的日子! 飲完茶, 買完餸就返歸!

今日煲咗節瓜茸瑤柱瘦肉粥俾B仔食! 唔知B仔係咪一早認定咗我煲嘅粥係唔好食, 肚仔餓, 又想瞓覺, 扭晒計, 係都唔食d粥(初初無加瑤柱架), 於是開咗支奶俾佢食算! d粥唯有晏d至再俾B仔食! 但B仔爸試過一啖佢話好味喎~~~ 都係唔好啦~~ 加d瑤柱去煲下出味d試下先~~

食飽就眠一眠, 瞓醒俾咗條餅B仔咬, 一邊咬一邊睇電視!

食完餅餅就要飲水水, B仔係一個唔多鍾意飲水嘅BB, 用奶樽餵佢飲水, 啜兩啜就"bu"晒d水出黎 =.=""

不過, 買咗呢個學習杯俾佢學用飲管飲, 初時將條飲管放入B仔個嘴, 佢係會喊, 初初唔識啜, 我就抬高個杯, 等d水由飲管自己流入B仔口, 佢知道有水時, 我就放返好個杯, 佢就好似啜奶咁啜, 啜到d水, 唔知係咪貪過隱, 係咁啜下放下, haha.......

不過B仔好lazy~~~ 唔多肯自己拎住黎飲,  我放佢兩隻手仔係杯耳度, 跟住推埋佢身度等佢拎住黎飲, 佢就係咁撐直隻手, 唔俾我推埋去 =.=""""""""

B仔爸同B仔媽晚飯緊時, B仔就係地墊度自娛! 超級大懶精~~

是日晚餐

滾冬瓜湯 (之前買咗罐罐頭瑤柱什麼羹, 都唔係好記得係乜, 但係唔多好味, 都係清清地咁滾正好多~~)

鹵水雞翼 (唔記得抺乾淨個碟邊至影相添~~ XD)

金銀蒜粉絲蒸勝瓜

 

出咗第一粒牙仔邊啦~~

23.4.2008

今朝B仔婆婆打電話黎~~ 無乜幾何咁早打黎, 心諗做乜事呢?!

原來婆婆話發現B仔出咗一粒牙仔, d邊露咗出黎啦~~ 另一粒應該都出緊!

仲俾婆婆話: 你成日話B仔唔出牙你, 依家出咗啦!

嘩............. 唔知點解, 聽到B仔出咗牙仔呢個消息, 好興奮呀! 好想即刻放工返娘家睇下B仔呢~~

不過要聽晚至可以返娘家睇B仔, 因為B仔爸今晚要刨書, 聽日又要"考試"呢~~

出咗牙仔, 係咪應該..................

(1) 盡量唔好俾奶嘴B仔啜?!

(2) 啜得奶嘴多係咪會"Sou"牙嘅呢?!

(3) 駛唔駛刷牙仔呢?!

(4) 自己啜手指會唔會咬親自己而喊到嘩嘩聲呢?!

haha................................

第一次啜腳指

20.4.2008

尋晚d雨實在勁大, 所以B仔媽同B仔爸都留係婆婆度瞓! 今朝一早, 天氣勁好, B仔爸就去做嘢~~

B仔媽係娘家陪B仔, B仔第一次啜腳指俾我見証咗啦~~~~~~

話說B仔媽係度上網, B仔坐係車仔度玩緊時, 玩玩下係度玩腳指, 跟住搵住食腳, 呆望咗兩三秒, 跟住就一嘢塞隻腳指公入口!

B仔媽第一時間阻止佢啦~~ 相機又放得遠, 影唔切呢一刻呢~~

之後, B仔又捉住隻腳, 瞄一瞄B仔媽, 跟住見我無反睥住佢, 佢又想塞隻腳指公入口, B仔媽好惡咁喝止B仔, B仔就扮晒矇仔咁, 笑笑口, 縮返隻腳出黎, 隻手仔仲攬住腳仔, 腳仔伸到直一直, 借d以扮晒乜都無發生咁, 放返底隻腳!

B仔媽見到佢扮矇仔, 都忍唔住笑, Haha...... B仔見我笑, 佢又笑!

就係咁, B仔媽見証咗B仔第一次啜腳指呢一刻!

第一次飲

19.4.2008

因乜解究早前幫B仔拎特區護照同回鄉証?! 咪就係因為今日囉!

今日係B仔媽個堂細佬結婚之日, 唔出席又唔得, 其實真係唔多想帶B仔北上架~~ B仔仲咁細個, 同埋無人湊B仔麻~~ 無奈~~

好彩有舅父仔專車由屋企樓下直到鄉下酒樓, 中途唔駛落車過關, 所以至一齊北上咋~~

今日係B仔第一次北上, 第一次去飲呢~~ B仔媽第一次北上飲!

今朝晨早八點半就要起床準備!

B仔起床就放佢係搖搖椅, 諗住B仔爸睇住, 咪唔扣安全帶囉~~ 點知........................................... 可以玩到自己掉轉黎坐! =.=""

食飽飽, 抺面, 換衫, 仲要抺埋個頭(勁大汗呀!), 跟住攤係地墊度玩玩具自娛! B仔媽就繼續忙忙忙!

十點鐘出發~~

差不多十二點到達酒樓! 大陸飲宴興食下晝!

大陸既婚禮真係同香港唔同, 坐咗係酒樓成粒鐘都未見新郎新娘既影踪, 又無人同佢地影相, 一問之下, 原來佢地企咗係Reception度迎賓! 唔怪得之唔見佢地啦....... =.="""

佢地到入晒席, 至進場! 進場之後就有個司儀(酒樓經理)講一大堆恭賀說話, 聲大夾有幹勁, B仔媽真係忍唔住笑出黎呀!

之後一邊出豬, 一邊大個騎呢人走出黎唱歌! 驟眼睇以為係女人, 望真d, 男人黎架喎~~ 似去咗聯歡會多過去飲!

隻豬都幾爆笑, 成隻淨係片咗一片片皮, d肉又無切出黎, 淨係食皮, 但又唔翠, 仲好好o趙口添~~ =.="""""

隻豬身咁點?! 原來食到最尾尾, 隻豬頭同豬身後上, 最爆笑係, 條豬尾放正係中間, 成條天線咁向上"隊"上黎, 真係經典~~ 

雞是凍冰冰的, 龍蝦好似俾人食咗一半, 蟹蚶假牙都差d咬甩, 仲要係香港一粒等如佢4粒, 細粒到呢~~~ 扇貝細過一蚊, 上次買8蚊一隻既帶子等於佢8粒...............................

跟住d餸係咁上, 放到成枱都係, 唔同香港食完一味至黎另一味!

至搞鬼係個所謂既翅, 睇個樣, 點解咁啡色?! 食第一啖, 點解有花生醬味既?! 當堂唔多想食, 一個字形容: 怪!

全餐最好味, 亦是唯一好味既係至尾既點心 -- 餐包仔! 其他餸都食淨一大碟, 但其他枱都清晒, 未清晒都打包走~~

每席要成差不多三千蚊, 但成枱餸, 跟本一千蚊都唔值! 都唔知係咪俾人搵笨! 想當年B仔媽同B仔爸結婚都返去簡簡單單係間酒樓擺咗幾圍請食飯, 一圍都只不過係六百幾蚊, 不知正幾~~ 咁多! 不過B仔叔公要faces, 係酒店擺, 可能佢地覺得值呢~~

到散席, d賓客走得七七八八, d待應就咋咋臨收枱, 做清潔, 到賓客走晒, 我地想入禮堂影返張大合照, d字都已經拆走埋, d效率真係其高呀~~~~~~~~~~~ 結果唯有係酒店lobby影!

至爆笑係, 本來有五張凳响樹影相(俾長輩坐係度影), d待應趁d長輩影完起身, 手腳其快地收下又一張, 收下又一張, 相都未影晒, d凳就俾佢地收晒 =.=""""""""""""""""""""""""

今次既婚宴, 真係大開眼界, 兼食得最少既一餐!

我地影相期間, B仔瞓到豬的一樣!

飲宴完畢, 係B仔叔公叔婆屋企坐咗一陣, 就急急返港! 雨實在太大, 速速回歸視為上策!

B爸湊B仔

18.4.2008

買咗兩張winnie the pool地墊俾B仔, 諗住放係婆婆度俾佢攤係地下玩~~ 呢張係其中一張, 好靚呀~~

另一張"威路士"中, 唔記得影相添~~ hehe.... 個張都好靚呢~~

今日下晝公公婆婆湊咗B仔返黎, 因為明天是B仔媽堂細佬亞健大婚之日, 所以公公婆婆早一日北上做準備!

B仔媽唔可以攞假, 今日收form收到傻, 遇到d傻人真係頭都暈! 無得拎假, 咁B仔邊個湊?!

咪就係B仔爸負責照顧囉~~ 婆婆仲非常擔心B仔爸湊唔掂B仔, 結果, 都無問題丫~~ Haha......... B仔爸都好耐無試個自己一人湊住B仔囉~~

B仔媽一入門口, B仔就四萬咁口笑住歡迎媽媽回歸! Haha......

夜晚親子時間~~~

B仔坐得幾咁直!

B仔媽都唔記得B仔因乜事笑得咁開心~~

坐坐下就攤咗係床度~~

明天要早起, 要早d瞓呀~~

拆飯煲呀~~~

16.4.2008

B仔媽放工去咗吉之島幫婆婆買電飯煲! 當婆婆係地下拆開個電飯煲出黎時, 坐係sofa八八掛掛既B仔要落地研究一下個飯煲!

睇下~~ 幾聚精匯神咁研究~~

係咁拍, 係咁拍, 拍到飯煲蓋都開埋~~ B仔, 你拍爛媽媽唔賠架~~ 婆婆, B仔拍爛叫B仔用利事錢賠返俾你, 我唔賠架~~

婆婆可能聽到我話唔賠, 咋咋臨拎返個飯煲唔俾B仔拍, haha......

無所事事既B仔, 最大既節目係乜?!

咪就係啜手指囉~~

今日好神奇, 短短半個鐘之內, 可以撞到舊公司同事, 返到樓下落車, 係車站撞到個舊同學, 有無咁巧合呀?!

住家飯

15.4.2008

成日出街食飯, 食到悶, 又貴, 於是放工同B仔爸一齊去買餸~~

是日晚餐有.............

絲瓜磨菇滾瘦肉湯

洋蔥肥牛 (靚太鼠鼠教整架~~ 果然係好推介, 真係幾似吉野家牛肉飯D牛肉)

蔥花煎蛋

尋晚買咗3両淮山, 諗住磨粉煲粥仔俾B仔食, 好似話係健脾開胃, 但都仲未得閒磨添~~

無聊星期日

13.4.2008

B仔爸今日要返工, 淨低B仔同B仔媽係屋企!

凌晨3點半、今朝7點半都食咗餐奶, 點解咁大個仲半夜食奶架? 係咪真係咁大食呀?

飲完7點半餐奶, 同B仔一齊瞓到11點幾~~

瞓飽飽簡直就精神爽利呀!

成個嘴角都係口水, 真醜怪呀~~

本來約咗Orphee弟弟同埋Juliana姨姨lunch, 但Orphee弟弟發燒, 所以取消咗呢~~

食飽飽就等公公黎車我地返婆婆度!

婆婆開咗B仔媽張YOGA蓆俾B仔攤係地上, B仔係度碌黎碌去, 由於張蓆太薄, B仔頭碌去地時"嘭"咗一聲, 嚇到B仔媽咋咋臨秤返佢起身唔俾佢碌!

拎回鄉咭

12.4.2008

今朝要返工, 放工返屯門同婆婆飯茶, 跟住去中旅社拎B仔張回鄉咭, 拎完去咗逛一陣就湊B仔返屋企! B仔爸又有嘢搞, 所以自己湊B仔!

跟住去咗上水街巿買餸, 好耐無係呢度買餸, 好鍾意係呢度買餸, 一來大, 二來選擇多!

行海鮮檔時, 見到個亞姐係度開帶子, 好大粒, 好靚, 又多人買, 自己見到又好想食, 咁多人買唔怕掛~~ 於是.............

買咗4隻, 大拿拿8蚊一隻架~~ 但真係好大粒, 厚到要中間界兩刀!

好彩B仔爸今日早咗返, 如果唔係, 都唔得閒洗餸呀~~

同B仔白白豬時, 試下個洗頭帽, 唔多識用, 究竟係向上反還是向下反? 笠咗頂帽, 點解仲有水漏既? 我笠得唔好? anyway, B仔戴咗頂帽個樣都幾好笑~~~

夜晚食飽飯, 同B仔親子時間~~ B仔爬係媽媽度, 幾冧冧~~

依家B仔成日郁黎郁去無時停, 同佢影相, 十張有一半都矇晒~~

是日晚餐有:

蒸帶子

咸蛋肉片節瓜湯 (改良版~~ 今次壓碎晒d咸蛋黃至放去滾, 正呀)

清炒白菜