第一次搭輕鐵

9 Nov 2007

張B仔出世以黎, 除咗返屋企同去婆婆屋企, 都無乜去過邊樹, 係滿咗月去過一次之茶, 之後都無去過行街街囉~~

今次係第二次出去飲茶! 仲約埋B仔個舅婆一齊飲呢~~

今朝同B仔去搭輕鐵, 係佢o既第一次呢~~ 一出屋企門口佢就瞓, 瞓到上車都仲係度瞓, 去到酒樓就醒咗!

張B仔真係吹水怪黎架~~ 係人同佢吹佢都笑得好開心, 條件係佢要食飽兼瞓飽! 所以舅婆同B仔傾計, 氹到舅婆好開心呢!

飲完茶閒逛咗一陣, 又搭輕鐵返婆婆屋企! 又因為佢肚仔餓, 係輕鐵度喊, 輕鐵大極有限, 成駕車都聽到佢喊, 好彩部車唔係好多乘客!

為免B仔喊影響到其他人, 婆婆抱住佢望窗外風景!

張B仔尋晚11點幾瞓, 3點幾時叫喊咗幾聲就塞個奶嘴佢啜 (因為未夠鐘飲奶, 4點幾至夠鐘呢~~) 跟住大家又瞓覺, 估唔到佢6點幾至嘈食喎! 望一望個鐘6點幾, 心情不知幾興奮呀!

往後o既日子B仔都係咁就好囉~~ 一覺瞓到大天光, 張媽咪就唔駛咁辛苦, 日日唔夠瞓 (自從滿月之後, 夜晚由張媽咪照顧佢以黎, 張媽咪o既黑眼圈一日比一日黑呀! 之旦係咁辛苦唔見瘦喎 =.=""""") 到張媽咪返工後, 婆婆又唔駛咁辛苦半夜起身餵奶囉~~