驚咗張爹哋?!

7 Nov 2007

今日去廣華產後檢完返到娘家, 本來瞓咗o既張B仔醒咗(其實係我見佢熟睡中, 咪拎走佢個奶嘴, 點知唔駛一陣就醒咗), 醒咗就係度喊, 咪抱下佢囉~~

張爹哋四日無見過B仔啦~~ 當然第一時間抱下佢先啦! 點知............. B仔喊到拆天, 塞住奶嘴都仍然拆天! 喊成咁, 張爹哋咋咋臨俾張媽咪抱返!

但我抱住佢時, B仔望住張爹哋就肩嘴, 繼而喊, 望一望佢又喊, 唔通B仔太耐無同張爹哋接觸, 驚咗張爹哋?! 張爹哋見B仔有如此反應, 心情有點兒唔開心咁呢~~

原來唔係, 係B仔肚仔餓, 又眼瞓, 所以扭計! 食飽飽之後, B仔心情靚返晒, 仲同張爹哋吹水, 係咁笑添呀~~ 見佢笑得咁開心, 唔止張爹哋好開心, 張媽咪, 婆婆同埋公公都開心埋一份呢!

今晚朋友橄欖人上咗我娘家拎嘢, 順便睇下B仔, 但當時我仍未返到呢~~ 聽返媽咪講, B仔係咁同橄欖人笑呢~~ Haha..... B仔咁細個人仔, 第一次見人就咁識同人social, 果然係good boy呀!

B仔, 等橄欖人姨姨快d生返個BB, 等你多個朋友仔同你一齊玩!