27 Nov 2007
因為尋晚婆婆唔得閒, B仔無返婆婆度, 而張爹哋今朝一早又要返工, B仔又點算好呢?! 唯有張師奶出馬! 攞咗一日病假, 休養身體兼湊仔!
勁滿足嘅一日! 因為同B仔瞓到成晏晝12點幾呀! 當然期間B仔有嘈過兼食咗三餐奶! 都唔明點解B仔係婆婆度會瞓天光至食奶, 我湊佢就半夜三點幾就嘈食奶, B仔蝦媽媽呢~~
瞓飽食飽嘅張B仔與瞓飽嘅病媽媽
瞓醒覺就好忙! 幫B仔沖涼, 跟住餵佢食奶, 然後B仔瞓咗, 張師奶至得閒煮個麵醫肚呀~~
跟住見B仔指甲好長, 於是趁佢瞓着就幫佢剪指甲, 唉...... 點知失手, 剪得入得濟, 搞到佢手指公流血, 即時幫佢止咗血先啦! 以為無事啦, 點知...........
瞓醒嘅B仔應該係手指仔痛, 喊到亞媽都唔認得呀! 點氹點"愛"佢都唔掂, 喊咗超過半個鐘, 喊到就黎斷氣咁, 真係嚇C我呀!
心諗: 係咪真係好痛?! 還是邊樹唔舒服?! 會唔會傷口細菌感染?! 好無帶佢去睇醫生?!
當時真係好迷茫, 個仔就一味淨係識得勁喊, 想打電俾張先生, 但知佢做緊嘢, 又唔想影響到佢, 又唔想打電俾媽咪嚇親佢...... 個仔喊, 自己都想喊埋一份, 因為唔知點至幫到佢, 心諗真係痛個個寧願係自己!
靈機一觸, 醒起之前有朋友介紹我用娥羅立英查係傷口會快d好, 同埋孕婦查得嘅藥膏, 我諗BB都查得掛, 於是即管一試!
雖然查完B仔都依然係度豪哭! 可能喊得累了, B仔就瞓咗覺, 但佢瞓咗一陣就醒咗~~ 醒咗又繼續豪哭, 唉......... 見夠鐘食奶, 就開支奶佢食, 食飽飽佢就佢嘢, 做返個精靈BB我至放下心頭~~
跟住張爹哋休息時間打電問下我湊唔湊得掂, 但我一聽到佢把聲就已經忍唔住對住佢喊, 今云真係嚇C張爹哋囉~~
唉...... 第一次獨自湊B仔就有咁嘅經歷! 回想起, 只不過剪損咗少少, 只係一件好小嘅事, 張師奶就已經咁......
傍晚時份, 我同B仔等公公放工車我地去婆婆度, 晨早已同B仔準備好, 睇佢同我玩得幾開心!
等咗成個鐘咁濟, 公公仲未出現, 等到B仔都呆呆地囉~~
去到婆婆家, 舅父仔買咗對靚靚鞋仔俾B仔呢~~
最快要星期五至見到B仔囉~~~~~~~~~~~
沒有留言:
張貼留言