第一支五合一

13 Nov 2007

今日帶B仔去咗龍山寺食齋, 食飽飽諗住同佢影下d戶外相, 點知佢扭計, 搞到走都走唔切呀!!!

跟住帶咗佢係屋企附近o既診所打5合一!

打針前個樣幾得戚!

入到醫生房, 抱起佢去床上面準備打針時, 聞到一陣嗅味! B仔拉咗屎呀~~~~~~~~~~~~~

嗅到丫~~ 嗅之餘仲好尷尬呀! 因為真係好嗅!

姑娘用玩具引誘B仔, 分散佢注意力, 之但係........ 醫生一吉支針入隻豬脾度時, B仔已經喊到亞媽都唔認得呀!!!

跟住姑娘拎多個玩具黎氹B仔, 佢喊下又望下個玩具, 喊咗一陣就收聲! 叻仔呀!

俾錢時姑娘都讚B仔叻叻呀! 佢話好多BB都喊都收唔到聲架~~ haha........

大矇o既張媽咪, 竟然唔記得帶B仔本手冊去打針!!! 唯有遲d拎去登記返囉~~~~

打完針就咋咋臨返歸洗白白! B仔d屎真係超勁嗅呀!