9 May 2007
今日又係去廣華產檢嘅日子, 我又借d以拎咗一日病假~~~ 十一點準時報到, 但裡面已座無虛席, 好不容易至搵到個位坐住等, 而張先生就辛苦啦~~ 要企响樹睇住報紙等等等.................
今次唔算等得耐, 十二點幾有得見醫生, 但係就唔係之前兩次見個位nice女醫生, 換來另一位年紀同我相約嘅女醫生, cool到爆, 又係啞嘅~~ 只同我咗兩句說話 「無乜唔舒服嗎?」
「五個星期後再返黎覆診」
就係咁多啦~~~~~~~~~~~~~~~~~~~~~~~ 期間聽小寶寶心跳, 姑娘攞住枝嘢係我肚皮上碌黎碌去, 碌咗成五分鐘, 好似搵唔到小寶寶嘅心跳聲........ 此時真係嚇到我面色一沉 
可能姑娘見我面色一沉, 就叫我放心, 聽到小寶寶心跳, 只不過想搵個位置可以聽得清楚d遮~~ 
, 唔係咁大濟麻~~ 無咗心跳???????????? 
(加上小寶寶呢幾日郁得好少)越諗越唔對路, 姑娘禁下我個肚, 係咁碌都未碌到心跳聲, 淨係間唔使聽到d水流聲, 唔通小寶寶係度整古姑娘??? 
跟住姑娘又碌黎碌去, 仍然未搵到個清楚聽到嘅位置.......................... 於是我就用心同小寶寶講: 你乖啦~~ 俾姑娘碌下啦~~ 等我地聽到你嘅心跳聲啦!
還是同姑娘玩捉迷藏???
唔知係巧合?! 還是小寶寶聽到?!
終於好不容易至聽到小寶寶嘅心跳聲! 我至可以鬆返口氣呀! 覆診完就速速去醫肚!!! 食返碗好耐未食過嘅車仔麵!!!
小寶寶好攪笑呢!! 可能小寶寶見悶悶地咪同姑娘玩下捉迷藏囉!!
回覆刪除小寶寶聽到掛
回覆刪除SaSa, 可能係呀! 不過佢咁樣會嚇親佢媽媽我呀!!! haha...... 阿玲, 唔知呢~~~ hehe...
回覆刪除哈哈哈... 你個寶寶都幾攪笑...
回覆刪除你尼排同多d小寶寶傾計,再吾係講下故仔都得架~~
回覆刪除又會5個星期1次產檢既 吾係4星期1次咩?! 記得留意多d 小寶寶既郁動,覺得佢小郁時,可以輕輕打下個肚,佢會同你玩架~~
回覆刪除我有一次都係咁呀!! 個姑娘搵咗好耐先搵到個心跳，嚇到我! 如果見小寶寶郁得少，輕拍下個肚皮，或者食D嘢落肚丫，食完嘢佢會郁得多D架! 點解五星期先返去覆診咁怪既?唔係四星期架咩?
回覆刪除有無同小寶寶聽ｄ莫札特音樂呀？
回覆刪除小肥, 希望小寶寶唔止搞笑, 仲會長得好得意啦~~ 二家姐, 我有呀! 間唔使我都有同小寶寶講嘢架~~ 自己好似傻婆咁自言自語(因為小寶寶唔應我, hehe...) 哦............... 輕輕打下個肚佢會有反應架??? 我諗佢仲細呀! 未識反應, 又或者反應咗我感覺唔到! haha...... 貓貓, haha...... 你個小寶寶都有同姑娘玩捉迷藏喎~~ 原來食嘢之後佢會郁架~~ 唔怪得之我食飽之後, 坐定定時, 佢係咁郁啦~~ 我都唔知點解?! 可能廣華好多孕婦掛?! 露絲, 有呀! 晚晚臨瞓前開黎聽囉~~ 不過小寶寶o既媽媽(即係張師奶)未聽完一首曲就已熟睡! hehe...... 可能小寶寶同佢媽媽一樣呀! haha.....................
回覆刪除呢個小BB睇怕出世後都會幾反斗，仲係聰明B添
回覆刪除小女人, 家陣d細路係百厭d~~ 唔百厭個d可能係有問題, 要睇醫生!!! 小寶寶係咪聰明b就真係唔知?! 希望佢唔係蠢到加零一就得~~
回覆刪除呢個姑娘真係嚇C人........!! 可能佢唔夠經驗?? 我次次去健康院OR醫院都好快聽到咖, 我次次都覺得D姑娘好PRO!!! 因為我同HUBBY到而家都未試過用耳機聽到過
回覆刪除Cary, 攤係張床度真係滴晒汗呀~~
回覆刪除