1 May 2007
五一勞動節, 張先生要返工, 放假嘅我又無無聊聊係屋企呆坐!
無嘢搵嘢黎搞嘅我, 見屋企一大包粘米粉响度, 於是食過早餐就去買紅豆整砵仔糕~~
一共整咗六個細, 一個大............. 仲要勁多紅豆!!!
好搞笑地, 屋企無細細個嘅瓦碗, 咁點算好呢? 
呢個就係大砵糕呢~~ 
於是咪用焗蛋糕仔嘅兜黎蒸, haha... 
大家係咪都無見過咁大個嘅砵仔糕呢~~ 
其實係因為唔想晒煤氣, 費事蒸咁多輪, 於是咪用個大砵黎蒸, 同埋細個六個一齊蒸熟佢, 唔駛晒咁多煤氣麻~~~~ 
hehe...... 呢個就係正常嘅砵仔糕!!! 
唔知點解個邊整得無街果d咁靚咁平滑, 可能因為街買果d係用碗蒸, 刮出黎會平滑d!
不過自己食, 好味搭黎就得啦~~ hehe...... 唔太甜, 又有糖嘅香, good good good 呀~~~ 
你好﹐打個招呼先﹗有空來這個 blog 交流一下好嗎﹖ www.mysleepingforest.com
回覆刪除好呀~~ 小魚
回覆刪除真係好大砵喎!
回覆刪除好勁阿，連砵仔糕都識整，我靜係識食架咋~~
回覆刪除嘩哈哈！甘大個熟唔熟架？我真係敗家，一大個鑊蒸得果兩小個，俾你睇下。。。 http://hk.myblog.yahoo.com/vivian_waiyin/article?mid=4107&fid=18
回覆刪除Pandayan, 又確實幾係個大砵................. 糕呀! haha...... 巨寶大寶小寶寶, 唔識整唔緊要, 最緊要係識食就得啦~~~~~~
回覆刪除viviAnn, 原來你整白色個隻砵仔糕呀!!!
大好砵呀....呢個唔係叫砵仔糕, 係叫砵佬糕呀 (仔代表細, 佬咪代表大囉..哈哈)
回覆刪除砵仔糕係我嘅童年至愛！咁多紅豆嘅就未見過lor
回覆刪除貓貓, 咁都俾你諗到砵佬糕呢個名堂, 真係要俾個勁你呀!!! 小女人, 我見煲咗咁多紅豆, 放係度就晒, 倒不如加埋入去食埋佢囉!
回覆刪除嘩...你都真係落好多豆喎....不過咁先正。
回覆刪除好多紅豆呀! 我鍾意大果個呀! 新年可以當年糕喎...好味.
回覆刪除吾洗講個大既一定係自己食啦~~~
回覆刪除點整架? 難唔難??
回覆刪除馬尾媽媽, 但d豆煲得唔夠林, 再林d可能會好d, haha...... 尹氏伉儷, 又真係幾似加咗紅豆嘅年糕喎~~ hehe...... 二家姐, 大個個唔係我自己食呢~~ 拎咗返公司請同事食! 珍珍, 好易架咋~~ 你參考呢個食譜: http://irenechanwai.mysinablog.com/index.php?op=ViewArticle&articleId=123299
回覆刪除張師奶, 你下次試下用日本紅豆(罐頭黎架，吉之島有得賣)，整好哂好林架!!我D朋友整砵仔糕同紅豆糕都係用佢，個個都話very good呀!
回覆刪除都係一個好提議! d豆唔駛煲咁耐, 晒煤氣! haha......
回覆刪除整得好正喎~ 你真係好醒呀, 咁都俾你諗到用個焗盤... 其實我覺得都幾似街果d呀~哈~仲要係多紅豆呀~正
回覆刪除Manon~丸, haha....... 當無要用嘅嘢時而又唔想買, 就會諗下用咩黎代替, haha......
回覆刪除哈~所以咪話你醒囉...哈~俾我一定唔會諗到呀, 哈~因為我好豬ga
回覆刪除