29 May 2007
做咗成個幾禮拜"無飯主婦" (因為天氣太.....熱), 實在頂唔住成日出街食, 放工去咗街巿買餸, 煮定飯等張先生放工返黎! 點知佢差不多八點至收工, 返到屋企都八點半!
是晚靚餸有..........
肉碎蒸水蛋 (由於次次蒸水蛋都失敗, 經橄欖人教路, 一隻蛋加三殼水, 蒸大約十分鐘, 於是今晚一試, 但都失失地敗, 初初蒸咗十分鐘, 睇落好似未凝固晒咁, 咪蒸多佢七八分鐘囉~~ 唔知係咪蒸過龍?! 仍然唔夠滑呢~~)
肉碎粉絲浸莧菜
滷水雞翼 (係燒味檔買, 10蚊有四隻全翼, d雞中翼俾我夾晒黎明天返工帶飯, 淨底呢d俾張先生自己食晒!hehe... 
蕃茄大眼雞湯 (超級好味道! 清清地但好鮮甜! 正呀! 
)
煲到面目全非嘅大眼雞
)
呢條大眼雞真係貴! 係今餐之中最貴嘅一樣嘢! 2.8一両, 呢條魚買咗大拿拿27蚊呀! 個賣魚亞姐話係海釣返黎喎~~ 買時個魚咀又確實係有個魚勾係度! 佢又話用黎煲湯一定甜!
丫~~ 佢又無呃我喎! 雖然只不過係滾湯, 但又確實好清甜, 好好味! 愛上咗佢添呀! (當然唔係賣魚亞姐啦~~ 我指係煲湯, hehe... 
) 仲有條魚貴得都有道理, 洗個時一d都唔覺得腥呢! Good Good Good 呀! 
最怕就係洗魚時嘅腥味!
個湯好正咁wor,有益呀~~對bb又好!!!
回覆刪除係呀, 我都有用大眼雞煲湯蕃茄薯仔0架, 好味!!!
回覆刪除喂,好正喎, 我講煲湯......我唔識煲魚湯架 ~.....次次煲親都好腥 ~
回覆刪除我睇阿蘇學左個好容易又必成功既方法蒸蛋(至此愛上蒸蛋做餸，因方便快捷又好味) 材料: 雞蛋 4 隻 雞湯 1 大罐 (約410至440毫升) 做法: 1. 將雞蛋置於大碗中，以打蛋器(或叉)打勻雞蛋，加入雞湯後再拌勻。 2. 將蛋液倒入蒸蛋之碟內，以小匙移走蛋液面之泡沫，可以碟或保鮮紙包蓋蛋液之碟子。 3. 水滾後放入蛋液蒸7分鐘 ，即成又香又滑之蒸蛋。 貼士: 1. 雞蛋之份量可改，如一人吃，即用雞蛋 1 隻加 雞湯 約110毫升); 二人吃，即用雞蛋 2 隻加雞湯 約220毫升); 三人吃，即用雞蛋 3 隻加 雞湯 約330毫升); 四人吃，即用雞蛋 4 隻加 雞湯 約440毫升); 但必須注意蒸蛋之時間必須為(最少)7分鐘(不論雞蛋及雞湯之數量如何)。 2. 碟子之深淺會影響蒸蛋之時間，標準蒸蛋用7分鐘是用一般之淺身碟子，曾用較深之大碗蒸蛋，所需時間更為長久。 3. 蒸蛋所用之鑊內需加大量及充足之水份，使蒸蛋時熱力更為平均及中途不用再加水。
回覆刪除我至驚煲魚湯呀 ~~因為唔識
回覆刪除我噚晚先煲完蕃茄薯仔湯呀 !!
回覆刪除嘩!嘩!嘩!麥家吓d紅3魚咁鬼貴架!!!
回覆刪除你用保鮮紙蓋住來蒸蛋, 一定唔會起豆皮!
回覆刪除我媽咪會落一灌 "士雲生清雞湯" ‥好好味架!!
回覆刪除HIHI~~~~~~ 第一次路過入來睇到你話蒸水蛋... 3隻蛋加3殼水即係點呢? 我既做法係: 3隻蛋+3飯碗水(加咩料都得, 我like放蝦米同瑤柱/ 但肉,怕唔熟..唔like).. 但一定要凍水落碟蛋去蒸. 我用鍚紙包好隻碟.. 10-12分鐘. 一定滑滑~~ 大眼雞係好貴架~~~~~~~~~~水上人既正魚~
回覆刪除