第一次聽講座

19 May 2007

今朝要返工, 但忙到傻~~ d人唔知點解, 硬係鍾意人地就收工時, 至成堆人湧黎問嘢或交嘢! 搞到12點放工嘅我, 要成12點4個字至有得收工!

跟住趕去佐敦逸東酒店聽<懷孕育嬰講座>, 唔夠時間食嘢, 附近又無餐廳, 搞到小寶寶要同我一齊捱住麵包先!

講座話1點鐘到場, 去到原來1點至2點係健康諮詢, 有d護士姐姐在場解答孕婦問題, 但係自己都無咩好問, 結果係會場度呆坐, 等到2點個講座至開始...............

坐係隔離個兩位孕婦不停係度傾計, 其中一個孕婦話佢七月生, 當我望一望佢嘅肚, 自己心諗: 點解我個肚好似同佢差唔多?! 又好似大過佢咁?! 係我唔正常還是佢唔正常?!

當講座完畢, 每位孕婦都有一份禮物......

跟住咋咋臨同小寶寶去食個下午茶! 然後行咗去油麻地果間康嬰之城睇b仔嘢~~ 果度好細間呢~~ 不過睇中咗Combi果張多用途高椅!

     $1530蚊, 價錢都可以接受呀!

睇完就搭MTR去葵芳逛街, 好想買d連身裙, 但係睇唔晒, 睇中咗條, 但成四百幾蚊唔捨得...... 結果都係白行一趟! 之後就搭巴士去咗沙田, 同亞珊食飯~~

今日全日行黎行去, 好攰呢~~~~~~~~