12 May 2007
媽咪節, 一早起床返屯門同媽咪亞婆仲有亞姨舅父表弟們飲茶! 嘩...... 飲完茶, 同咗媽咪亞婆同兩位亞姨去咗吉之島行街!
果然係墟陷呀!!! 九點鐘去到酒樓, 已大堆人係度等位, 當中亞姨同媽咪都係度等緊! 好彩等咗唔係好耐就有! 
我同張先生都無買禮物, 又無請媽咪食飯! 行街期間, 媽咪話風扇壞咗要買, 於是順理成章, 買咗把風扇俾佢做媽咪節禮物! haha...... 行完街, 我地一行五人搭西鐵去咗元朗錦上路果間紅磚屋度行下! 以為果度好大好多嘢睇~~ 點知?! 又熱又焗又無咩嘢啱睇, 已經熱到咩咁, 無心機影相! haha...... 由落車到搭返車, 都只不過係一個鐘嘅事! 叫做到此一遊咁啦~~ 唔會再去囉~~~ 
不過買咗兩個玩具公仔俾Pizza妹妹, 一隻龜同一隻海獅! 好得意! 相信Pizza妹妹一定好鍾意, 因為佢地識得"BB"響! 
跟住我就同媽咪一齊回歸! 係娘家hea咗成日, 玩弄下Pizza妹妹, 同舅父仔&Ming睇咗兩套戲, 跟住就等食飯! 食飽飽就回歸!
傍晚時份, 因為某d事同爸爸開戰! 爸爸越黎越唔講道理, 持住一家之主嘅角色, 好似佢講乜都係啱咁! 我都好平心淨氣同佢講道理, 丫~~ 佢竟然盲不講理係度話返我轉頭!!! 火都黎埋呀!!! 我d脾氣就似十足十佢呀! 希望小寶寶唔好遺傳咗我嘅嗅脾氣啦! 
佢話唔同我講道理喎~~ 跟住就沖咗入房! 我都費事彩佢呀! 太野蠻! 太嗅脾氣啦! 
大肚媽媽, 唔好動胎氣呀!!我都費事啋我媽咪, 懶理咁多 !
回覆刪除不要不開心，每個家也有自己的小問題，看開一點便沒事。
回覆刪除都好,你都知你既脾氣似爸爸~~~ 小肥脾氣其實都似媽媽,所以第時小麗學野時,小肥都唔知忍唔忍得住~
回覆刪除唔好勞氣!!! 陀住 bb 最緊要心平氣和, 處之泰然。 唔好嬲、唔好嬲, 諗下 bb 就會開心番晒架喇。
回覆刪除多謝各位關心!!! 我係個刻至嬲嬲地, 之後都無嘢~~ 仲同我媽咪有講有笑添! haha... 小肥, 我都驚我第時教小寶寶時都忍唔住, hehe...... 大家努力啦~~
回覆刪除大男人就係咁架啦...見唔對路就唔好再嘈... 遲d再傾過
回覆刪除