星期六嘅晚上, 食飽飯好快又肚仔餓嘅我...... 又要整d嘢食黎醫下肚!
今次整咗薑汁撞奶......
原來好好好易整架咋~~
撞完d奶去d薑汁度, 擔心...... 究竟凝唔凝結得到呢???
好嘢!!! 得咗!!!
好滑呢~~~ 又唔太甜~~~ 不過薑汁多得濟! 辣辣地! 所以好驅風呢~~ haha... 
大家有興趣都不防試下整啦!
******************************************************************************************
薑汁撞奶
材料:
鮮奶 250ml (一盒細屋仔)
薑片 (約2寸)
糖 10g
做法:
1. 薑片磨汁, 將1-2湯匙薑汁放碗內備用. (我用咗2湯匙覺得辣辣地, 我諗1-1.5湯匙都應該夠)
2. 鮮奶與糖置煲中, 煮至糖溶及煲邊起泡(即煲奶至80度), 熄火.
3. 將煲至80度嘅奶從稍高處撞入薑汁, 然後蓋上碟, 待3分鐘即成.
******************************************************************************************
你整得好靚呀~等我遲d又試下整先...
回覆刪除你好勁呀，好多人撞好多次都撞唔到架！
回覆刪除d薑汁用咩磨呢~
回覆刪除我都係唸緊d薑點磨?????
回覆刪除睇見都 ~~ 係咪真係好難撞架??
回覆刪除係唔係一定要撞先會凝固架？
回覆刪除好正喎, 望落好滑呀~~~
回覆刪除梓逸mama & 墨魚媽媽: 你都整黎食啦~~ viviAnn: hehe... 有次睇有線肥媽去大陸某個地方, 介紹薑汁撞奶, 話煲到起泡個溫度就啱撞, 由於至企無溫度計, 所以咪試下用呢個方法囉~~ 又俾我得咗! hehe... LaLa & 阿玲: 有d用具係用黎磨薑蓉(雜貨鋪有得買), 跟住放落隔魚袋揸d薑汁出黎, 不過我無呢d器具, 用咗早幾年係宜家家俬買嘅蒜蓉夾黎整d汁出黎, 方便又唔駛洗個袋麻~~ haha... 二家姐: 我又唔覺得難喎~~ 你都試下! 大寶: 我諗係撞入去d薑汁度順便撈勻, 如果就咁倒d奶入去至搞勻d薑汁, 咪變咗搞爛咗嘅豆腐花, 唔滑囉!
回覆刪除好似好易整喎....等我都試吓先....中醫話食多些好喎---驅風.
回覆刪除又真係好易喎...仲易過鮮奶燉旦呀
回覆刪除