鶴藪香薰園半日遊

6 May 2007

今日終於係一個天朗氣清嘅星期日啦~~~~~~~~~~

同張先生食過早餐之後, 我地就起程去鶴藪嘅香薰園行下!

一入門口嘅左手邊就有黑色嘅羊係度迎接我地, 之但係果度實在太嗅啦~~~ 我地走都走唔切呀! 不過有d父母就帶住小朋友係度餵羊!

行入d就見到有小食亭, 因為我地食飽飽嘅關係, 望一望就行.........

之後就見到好多燒烤爐, 仲要聞到陣陣BBQ香味, 好想BBQ呢~~~~~~~~~~~~~

跟住行咗去地區, 見到林林種種嘅香草係度擺賣, 其實好想買d返屋企種呢~~ 但係屋企實在無乜地方容納佢地! 還是第時搬咗之後再作打算吧!

仲有一盆盆嘅蕃茄仔賣, 細細粒, 好得意呢~~

香薰園入面除咗有香草外, 係地下仲種咗d茄子, 細細條掉住係度, 都幾得意~~

行到最篤篤, 終於見到d薰衣草園啦~~~~~~~~~~~~~~~

身在薰衣草堆中嘅孕婦~~~~~~

大家請放心~~ 我知道孕婦係唔可以聞薰衣草味, 但係現場, 又聞唔到有薰衣草嘅味喎~~

遊完全場, 我同張先生就去咗整陶瓷杯仔啦~~ 50蚊整一個, 我地一人整咗一個呢........ 係我地努力跟老師學整嘅期間, 圍觀嘅人都唔少呀! 不過我地都無理佢地, 繼續努力整~~ (睇嘅人就多, 但落手整嘅就無, 到我地整完至有幾個小朋友一齊學整倒模嘅陶瓷)

張先生一早就整好咗佢嘅作品, 係度等緊我.................

呢個係佢嘅作品呢~~~

張先生拎咗我個作品黎加工, 佢話棵花爭條"框"喎~~ 之但係佢畫到好肉酸...... 最後都係我自己修補返!

登登登登....................... 呢d就係我地嘅製成品! 左邊嘅係張先生嘅, 右邊嘅係我嘅~~ 點解會唔同色?! 因為張先生用咗青泥, 我用咗紅泥, 一樣一隻色特別d麻~~

大家覺得邊個靚d呢~~~~~~~ haha......

可惜個杯唔用得啦~~ 因為未燒! 老師話如果屋企有焗爐的話, 焗佢兩個鍾就可以用, 之但係焗成兩個鐘咁耐, 都係咪搞啦~~~ 放係屋企做裝飾吧!!!

大家如果有興趣去玩下, 參觀下嘅話, 可以參考香薰園嘅網頁:

http://www.lavendergarden.com.hk/TraditionalChinese/introduction.asp