10 May 2007
小寶寶今日全日間歇性地係咁跳跳跳~~
返工時又不停跳, 坐車又不停跳, 洗完白白豬又係度跳, 好興奮咁喎~~~
唔通......................
因為連續兩日都有好心人讓座俾你媽媽(即係張師奶), 所以你好開心呢~~~ hehe......
不過媽媽仲未識點樣同你玩喎~~ 你郁時, 我放隻手係肚皮你又唔郁! Daddy放隻手你又唔郁, 但一放手你就係咁郁~~ 好似係你玩緊我地, 而唔係我地玩你喎~~ hehe......
今日同大姨媽傾計呀! 佢話如果我瞓o既姿勢令到你唔舒服, 你會係咁郗黎投訴呢~~
唔怪得之尋晚媽媽瞓覺時, 你不停咁跳啦~~ (當時我側睡) 果然係有其母必有其子呀! 其實媽媽都好唔鍾意側睡架~~ 還是大字型咁瞓係最爽!
hehe....... 唔通小寶寶係超六星級酒店入面都係大字型咁覺覺豬o既???
so cute...
回覆刪除恭喜你阿，有兩個人讓位俾你啦～ 你著大肚衫未阿？著左仲多阿～
回覆刪除再大d就一定要打瞓lu，墊個咕臣會好d舒服d
回覆刪除我睇書話,孕婦最好向左邊訓,因為子宮因懷孕時會不自覺咁向右移.向左邊係幚助番佢歸正既~~ 我哥時都有迫自己向右邊訓多d...
回覆刪除預產期係幾時呀？應該係火豬 bb 喎。
回覆刪除Mui Mui, 你都好cute呀~~ 大寶, 我着咗好耐啦~~ 但係之前d人見到都當見唔到呢~~ 小女人, 有呀~~ 家陣又咕o臣, 又枕頭long腳, 成張床都係~~ haha...... 二家姐, 我睇書都有講左側睡最好呀! 但係偏偏我最唔鍾意左側睡! 粉紅莓, 我預產期係9月10日呀!
回覆刪除你依家跳跳下都仲好呀, 遲下你好似我咁, BB大D喺度玩人浪同耍六通拳，真係唔駛瞓呀!!我尋晚又俾佢踢到瞓唔到啦!
回覆刪除咁誇張~~~~~~~~~~~~~~~~~~~~~~~ 同佢傾下計叫佢乖d, 瞓覺得唔得架?!
回覆刪除小魔怪以前都係咁o家，我同老老放隻手係個肚到佢就唔郁o家，一放開佢就係咁郁o家喇！
回覆刪除艾美, 咁小寶寶咪係另一個小魔怪?! 係度整古做怪!!!
回覆刪除阿b幾時出世呀?
回覆刪除預產期係9月10日呀!
回覆刪除我那時也比較喜歡側睡（向左）， 遲多少少你可能都要就下BB， 因臨尾2個月BB會大得好快好多， 大字形會比較吃力！小心一點啊！ 你就會feel到BB會好似伸手仔或腳仔！ 個感覺好得意，好amazing！ 期待你的小寶寶來臨！
回覆刪除