前晚成晚都瞓得唔好, 因為張家兩老返咗黎呢~~ 兩老一大清早, 未夠六點就綠續起床! 被嘈醒嘅我又瞓唔返, 跟住係度諗, 坐月時有可能足足成個月對住張老太, 確實極度難受! 因為家陣一個禮拜對佢一晚都已經覺得難受! 
張老伯咳咗成晚! 未有小寶寶之前, 我一向好抗拒咳, 因為氣管好易敏感, 一咳就好難收尾, 起碼咳成個幾兩個月至停到! 所以都驚驚地! 
大家唔好誤會, 張老太其實對我好好, 又釀米酒, 個個禮拜買生果, 仲要大大堆(今個禮拜又買咗十幾個奇異果同十隻橙), 之但係大家嘅思想、生活方式同習慣都完全唔同! 我就有潔癖, 都唔算係嚴重個種, 但張老太佢地就...... 
瞓唔着, 自己係度諗, 第時小寶寶出世, 生完仔已經夠辛苦啦, 仲要日日對住兩老, 老人家實會話坐月唔好洗頭, 唔好涼冷氣, 呢樣唔好個樣唔好, 好似俾人管住咁(張老太咁傳統一定會係咁!) 同埋又唔可以要求兩老抱bb前洗下手...... 係咪自己過份緊張, 過份保護小寶寶呢??? 
佢越係對我好, 我就越係感到自己好衰, 好自私! 唉.............. 
諗到好多將來坐月嘅問題, 想同張先生講, 但又唔知點開口同佢講! 唉........ 
寧願靠自己呢~~到夜晚, 真係忍唔住同佢講我嘅心事! 結果, 就係叫我忍讓一下! 佢臨出門口返工只係同佢講話有心事! 但係都無講係乜!
唔好咁啦~大肚時情緒係會差D多D嘢諗，有時我都諗將來BB出世自己搞唔搞得掂，又有時諗點解自己有咗咁耐自己媽咪都唔理下我仲要話返我轉頭等等，不過慢慢，我都學識放低啦。 有時都怕奶奶來幫手，大家生活方式唔同會有分歧，所以最終我咪決定請個陪月囉。 有咩事我都會同我老公講，不過講真果個係佢父母佢都好難做既，但我都好明你既憂慮。同朋友傾下等朋友同你分擔下啦，你會開心D架! 我有咩唔開心都會同朋友呻先，至少有人會撐你丫嘛! 做個開心大肚婆啦!小寶寶都想你開心架!
回覆刪除毋錯阿，一定要同老公講，大家傾下心事，老公是最了解你情況的人，唔好收收埋。好似我今次老爺家發生巨變，唔系得我老公撐我，我一早產前抑鬱啦，加油喔～
回覆刪除係呀,一定要咩都同老公講,佢會支持你,咁你個心又會舒服 d, 千祈唔好收埋係心裡面呀~ 坐月時都係呀,叫張生咩都就晒你先,因為坐月大晒~~~~ yeah~
回覆刪除呢d關係真係好難處理，大家盡量將就係啦！！！
回覆刪除傻妹...事無大小都要同老公講呀。如果你連同老公講嘢都要就住就住就敝喇!!! 整係兩個人時都要講, 更何況你而家陀住bb, 千其唔好鬱埋鬱埋呀。 開心d啦, 每樣事都總有解決嘅方法嘅。
回覆刪除其實我咩都會同張先生講架~~ hehe..... 只不過個朝唔想佢返工時諗呢件事, 加上兩老响度費事俾佢地聽到, 所以咪夜晚至同佢講囉! 其實佢都左右做人難, 一個係佢老婆, 另一個係佢亞媽, haha...... 佢第二日放工都問我坐月時咁打算點, 我只好話到時至算! 最好張老太唔好日日留响樹! 可能真係有咗bb受到hormone影響, 間唔使會發下癲, 諗咗d唔開心嘅嘢! 都好對唔住小寶寶呢~~ 諗到自己唔開心之餘, 搞到佢都唔開心, 我會盡我所能控制自己架啦~~
回覆刪除你唯有叫你媽媽o係你坐月既時候去你家陪下你啦!!
回覆刪除haha...... 到時先算啦~~
回覆刪除係唔係你99一定陪你坐月架 你媽咪唔陪得你咩 我同你既情況好似架..生活方式唔同,好難好就大家 所以有時我自己做多d..我唔鍾意佢既野,我唔出聲就算 同老公講都費時 根本理唔到 放鬆d..會開心d..見一步行一步
回覆刪除睇個勢我奶奶係會留係我度陪我坐月, 煲嘢我食 == 我媽唔係唔過黎陪我嘅~~ 若我叫到, 我諗佢都會過黎幫下我手嘅! 其實我都已經盡量唔出聲! 好多嘢見到唔順眼咪自己執返佢~~ 但第時小寶寶出咗世, 我接受唔到佢地嘅唔衛生呢~~ 所以唔同老公講唔得!
回覆刪除幸福張C奶: 其實有左小朋友之後,想乾淨既話都好難架~~ 我都算係有潔癖既人, 到一一出左世之後,我都盡量令佢身處乾淨既地方..但係見到朋友既小朋友,任由BB隨地爬, 我就問點解佢地可以咁做,佢地話:其實吾需要成日驚BB周圍爬(有細菌),咁樣BB自然會有@底伉力@. 所以你都吾好咁擔心啦~~ 不過佢兩老D鼻寒又真係幾難忍既~~
回覆刪除well, 所以搬出來住有它的好處.不過兩老同住佢地又關心你, 仲想點???有時唔順眼的事忍下啦.
回覆刪除一d比較敏感嘅問題，咪叫你老公講囉！講衞生，咪一味擺BB出黎，都係為BB好，話醫生講要注意BB清潔，首先照顧佢嘅人都要清潔等等講諸如此類。
回覆刪除二家姐, 張先生咪就係咁講囉~~ bb要接觸下d菌至有低抗力喎~~ 但家陣d菌咁利害...... Soldier, 其實佢地係對我好, 佢越對我好, 我就覺得自己好自私! 希望快d有自己的家啦~~ 小女人, 我都正打算係咁! 不過呢招要等小寶寶出咗世至用得! 家陣唯有忍~~
回覆刪除老人家係咁既,不過我就會講出黎
回覆刪除其實你大可以利用ｄ醫護人員把口或上咗育嬰課之後扮學到新野用佢地講，連你自已都表現到好似好新鮮咁話『自己都要多ｄ洗手先可以抱ｂｂ』囉．．．．．． 唔想嚇你，其實我都係因為自細抵抗力差先會咁容易中咗諾沃克病毒，小寶寶都係事事小心駛得萬年船好，你同佢地講話都唔想小ｂ受埋無謂嘅病痛之苦，大人都一齊辛苦嘛，係咪？
回覆刪除有乜就開心見誠咁講呀！！ 其實溝通真係好緊要咖， 所以如果到坐月時大家有唔同意見， 都可以講下睇下有無辦法處理得好ｄ！！！ 例如洗頭冲涼就一定要堅持啦！！ 醫院姑娘都話ｏｋ啦！！ 我諗只要表達嘅時候唔係想撩交鬧咁， 係態度ｇｏｏｄ嘅都可以表達嘅！！ 剩係忍讓又唔係幾健康喎
回覆刪除