尋晚11點半撻係床度, 仲未瞓得着, 小寶寶又係度耍功夫 
, 自己又係度諗呢諗路! 
產假時照顧佢都起碼有差唔多兩個月嘅時間, 真擔心到返工時, 會唔捨得小寶寶呢~~ 
好想小寶寶時時刻刻都係屋企!
本來講咗話俾媽咪湊, 到時小寶寶日日係娘家, 要放假至有得返屋企, 我放工就要好頻撲咁由紅磡返屯門睇下小寶寶 
然後就返自己屋企, 就咁諗都已經覺得好辛苦, 莫講到時嘅實況! 又無理由一個星期至睇小寶寶一兩次架~~ 到時真係連亞媽都唔認得囉!
若果叫媽咪黎我屋企湊小寶寶, 媽咪實唔慣, 畢竟個度唔係佢地頭!
若果俾屋企附近d師奶湊, 放工至接佢返屋企, 一來又無相熟嘅師奶, 二來又唔知靠唔靠得住, 會唔會對小寶寶唔好......
其實點解咁難決擇?! 雖然依家份工, 人工唔算多! 不過好在唔係好多嘢做, 無壓力, 又自由, 準時收工, 福利好, 醫療福利能惠及小寶寶呢點至最令我難捨難離!
唉..................... 究竟如何選擇至好呢????????????????? 
好幸福呀....肯死人la...如果我係你，會一於做個好媽媽好老婆，疊埋心水o係屋企湊仔，相夫教子。
回覆刪除嘩, 你同我嘅唸法咁鬼似嘅 ～.......葉生又係叫我唔好做嘢...但我地係好明顯唔夠用, 因為屋企有 2個老人家支出好大 應該話....會好忟好忟囉......我當初死都唔肯請工人, 因為唔 like 多個人係屋企,不過最後都要投降..... ....你有無唸過請工人呀 ????
回覆刪除你可以自己決定做唔做野 .......如果你決定返工比你媽媽湊, 你可以等張生返工就返來瞓, 一來都會多d時間見小寶寶, 又可以見下我地 ...橫店張生都要平日返工你都係自己o係屋企, 咁可以一舉兩得lo ..同埋你唔好諗咁多唔開心既事啦.. 小寶寶會知你唔開心 , 唔食咁多野ga....
回覆刪除到時一定會想日日見住 BB 架,小肥太初初都諗住只係 weekend 先湊 bb 返屋企,平日就夜晚係奶奶度食飯可以見下(我地同阿媽只係行 3mins就到) 雖然係咁,最後都係而家每日一早小肥同小麗去嬤嬤度,夜晚湊返屋企 既然可以應付倒,就考慮下頭三年唔做野,之後先做番羅,因為頭三年好緊要呀~ 小肥太都唔知幾想~ 好多人恨都恨唔倒呀~~~ 如果你個 case, 我就提議一係唔做野,一係請工人好過呀,起碼晚晚見倒 bb 丫嗎
回覆刪除梁先生個家姐初初一生完BB都有做野, 不過就請0左個工人~但係佢家姐當時都幾矛盾..請0左工人湊~又怕個BB唔認得媽咪,怕個工人教壞佢, 到最後都fire 0左個工人, 自己就quit 0左份工冇做~因為佢姐夫都唔係咁想佢家姐做野呢~~覺得自己教會好d, 加上佢姐夫都可以負擔得到~ 但係佢家姐自己一個湊唔惦個BB~之後又請0左個工人~最後佢而家搵返份工做~~因為佢家姐係一個好鐘意熱鬧既人囉~~自己一個係屋企湊BB 佢話好悶喎~~加上佢姐夫係返shift, 返早, 中, 夜更
回覆刪除其實你都可以試下頭1, 2個月, 睇下自己湊唔湊得到先~~同埋習唔習慣先啦~因為到時你quit 0左份工~但係又後悔可能到時未必搵返到一間benefit 好既工嫁啦~~
回覆刪除到我係度留言啦~ hi你好呀~ 其實湊b真係幾辛苦呀~我而家就"享受"緊~ 我就選擇搵托兒所..都幾好呀,我幾個朋友都係個度湊,見佢兩個bb都好乖好叻..... 我同你處境都幾相似呀,我都有做野,公司對我唔錯,冇理由走jei,而且搵多個錢好dwo~不過我如果唔做野幾年,出番黎都唔知有冇人請,因為那時我已經三十,又結婚仲有個小bb,未必有人請 !如果比媽媽一個人湊真係好辛苦,真係食野訓覺都未必得... 有多一個人就好d...奶奶就更加唔可以比佢湊!比d意見都反面呀~ 請工人就暫時唔會,因為唔慣屋企有外人同埋我想等我個女識報串先請,費時有意外! 其實自己都好擔心呀,不過冇計啦~我寧願自己辛苦d,但都希望日日見到bb同埋唔想搞到家人.... 不過各人家境,生活都不同,你好好同你先生諗下啦~托兒都係一個好選擇~
回覆刪除我除了產假外仲放埋大假，前前後後都成5個月，自己湊囝囝，當時也很擔心自己湊唔湊得掂，但又OK！但到子謙3個比人湊時，我真係唔捨得到濠哭起來，我最初也只是weekend湊回家，但比人湊第2日已同老公決定自己辛苦D都要每晚接回家，因唔捨得亦唔想miss咗BB的成長點滴！
回覆刪除自己都想全職湊，但想到日後BB的開支會越來越大，都係返工賺多一點會好些！而且我也怕會跟出面脫節！唔可以做咁out的mammy！
我同老公都唔鍾意請工人, 而且日間只得工人同BB2個我會重擔心。所以起碼過多2年讓BB大啲才打算請工人！到時囝囝都曉話我知有無他蝦佢！
而我就揀咗比屋企附近d師奶湊, 放工至接佢返屋企, 都找了一輪，因無相熟嘅師奶,最後經奶奶朋友介紹才找到現在的姨姨湊，都算讓我放心返工，但至今我仍會想一放工便趕返去湊囝囝！連姨姨也叫我唔駛咁早，因她也想對囝囝耐D!
我想你慢慢再跟張生研究研究啦！
我其實叠埋心水做湊女婆啦.....因為我好想自己湊大BB呀...佢會痴媽咪多D, 又可以滿足到我自己童年時既遺憾! 同埋, 我以前份工好辛苦..我想乘機退休呀
回覆刪除辭左份工做全職師奶,哈哈~
回覆刪除我直情感同身受呀 !! 我馱住仔仔嘅時候, 呢個問題都困擾咗我好耐。 我娘家喺青衣、奶奶喺美孚, 而我就住喺港島東, 完全係一頭一尾, 比邊個湊都死。 我又諗過托兒所, 但地點同時間都就唔倒, 諗少樣。 最後唯有搵工人, 因為諗住就算比屋企湊都係要比錢佢哋﹔搵工人比錢之餘又有人幫你打理屋企, 自己放假時可以全心全意湊番仔仔。 不過我嘅經驗之談就係, 當bb兩歲就最好自己湊番, 對佢學嘢, 各方面吸收都好d。 以我個人意見, 既然張生在經濟上應付倒, 你可以考慮下自己湊, 直至bb兩歲就比佢番Nursery, 然後搵半份工 (好似我而家咁)﹔都幾好吖, 可以自己湊番仔仔, 又有收入, 又唔會脫節。一舉好多得!!! 記住我哋嘅意見只不過比你有個參考, 始終都只有你自己先清楚自己嘅需要。最緊要自己開心, 唔好後悔。
回覆刪除其實呢d因素開始時困擾左我好奈，搞到兩公婆成日吵，因為我唔想放棄一份甘高人工既工，最慘係我有bb前剛升為長工(好難先升到)，將來有公積金(等於退休金)，加上老闆好俾機會我。但最後，我選擇放棄，因為我只打算生一個，我自己小時候不是和父母一齊住，同婆婆住，所以同爸爸關係好疏離，我唔想將來bb同我行番舊路。 你份人工如不太高，我覺得將來打把機會揾番，俾家人湊，你個bb對你會好陌生。 你可有三種比較好的方法： 1. 搬去你媽媽附近住，俾佢湊，放工接番 2. 自己湊 3. 請工人，全屋裝WEB CAME(但最信不過)
回覆刪除其實有冇諗過如果負擔得到的話，請鐘點幫下手呢？
回覆刪除我有對朋友夫婦好鐘意幫人揍小朋友架, 佢地好nice架,如果你真係有需要可以在我度留言話我知, 唔好咁擔心喇, 會影嚮你同BB架 ! Take care !
回覆刪除如果張生真係負擔到頭家, 專注湊仔真係幾好0架, 可以睇住 bb 成長好滿足~~~不過 無壓力, 又自由, 準時收工, 福利好, 醫療福利能惠及小寶寶 真係好吸引, 你知啦, 自由就最好, 第日同亞 b 打針去健康院都方便d 0麻, 同埋好似安妮媽媽咁講, 幾年後再出0黎做0野, 不管你年過30未, 結0左婚有仔女, 好多公司都介意0架, 市場上咁多人, 點解要請你? 我果時無諗咁多, 淨係諗住比亞媽湊, 因為唔想屋企多個工人, 比工人湊又唔放心......亞媽由我8個月時到 e+墨魚仔5個幾月, 都0係我屋企住...... 不過咁唔係辦法, 因為會淨低我亞爸一個(佢返夜班), e+ 都係諗住搬過間屋, 同我亞爸亞媽一齊住, 我又可以對住亞 b, 又可以照顧亞爸亞媽.....不過張生如果唔想同外父外母住, 其實可以考慮巨寶0既建議, 搬近 d 你媽媽, 日頭亞媽睇住, 夜晚你接返屋企, 住咁近, 第日你照顧亞媽都易 d 啦~~~
回覆刪除又會咁岩既, 我個同事尋日岩岩先講話考慮緊好唔好辭工, 返去湊仔. 我個同事尋日講到喊tim呀. 話說佢個仔都小學架啦, 最近好唔聽話, 阿同事就諗好唔好返去湊仔, 佢老公又係比佢自己揀. 同事就同我地講, 佢話如果唔做返去成日湊仔, 對個仔耐d, 應該感情都好d既. 但係佢話自從結婚生仔之後, 已經冇晒朋友咁滯. 而家返工, 都可以見下我地, 同我地吹下水, 有咩唔開心都可以呻下, 減下壓. 佢話佢試過一期冇做野, 日日係屋企湊仔, 有心事又冇得同人講, 老公又忙. 而且因為佢冇做野, 個人會好多時間亂諗野, 情緒變化得好大. 搞到個時兩公婆感情都唔多好. 佢而家又係唔知點好~ 同你case差唔多. 不如請個工人啦. 你而家份工真係幾好, 又唔係困身, 又唔駛ot. 過多幾年, 你再出返黎做野真係未必搵得返. 第時阿b仔大左, 開支又大埋. 咁有多個錢傍身都係好架麻. 個時我姪女出世, 我阿哥阿嫂weekday會黎2次, 之後星期就湊返屋企, 星期日先湊返黎.
回覆刪除我依家係full-time mum,湊b真係會少咗見以前D朋友,但多咗D媽媽朋友!! 雖然入息少咗,又少出街食飯,更加無得去旅行去玩, 但每次望着bb,我知道bb需要媽媽!!!!這不是其他人可代替的!! 不過妳的情況和妳的需要只有妳最清楚,慢慢想清楚再決定吧~~~點都係想bb開心健康成長啫,咁妳呢個大肚婆首先要做既就係放鬆D,開心D!!!
回覆刪除嘩!!真係幾頭痕喎~~ 要慢慢諗清潔喇
回覆刪除謝謝各位嘅寶貴意見! 請工人的話, 我半份糧俾咗佢, 好似為佢打工咁, 加上屋企多個人係度住, 又唔知佢對小寶寶好唔好, 老公返shift, 有時得佢同小寶寶係屋企對住個工人, 都幾尷尬咁, 所以應該唔會請工人囉~~ 安妮媽媽同墨魚媽媽都講得啱, 到小寶寶讀書, 我都三十歲, 到時有個細路再出黎搵工, 應該難上加難! 若果間托兒好的話, 都係一個好選擇, 唔知屋企附近有無?! 馬尾媽媽, 本來我都諗住俾媽咪湊到小寶寶兩歲, 跟住就跟返我! 諗住到時佢可以返下Nursery, 我又有時間教佢, 呢兩年儲返個錢咁! 但又擔心佢出咗世, 真係會唔捨得! 做女人已經煩, 做咗人仔媽咪就更加煩! haha..... 呢個確實係一個非常令人傷腦筋及難以決擇嘅事! 我會再諗諗!
回覆刪除