布吉之旅 Chapter 5

 二零零六年七月廿八日, 星期五 (旅程嘅第三日)

玩完獨木舟, 我地就向下一站進發 -- 博士山莊度假村 Bor Saen Villa & Spa, 係個度食我地o既自助午餐, 食物款式少, 都係飯, 麵, 菜, 沙律, 幾款小菜...不過最好味都係燒雞脾仔, 好好味!

↓午餐嘅地方                                                              ↓博士山莊度假村  

                                                                                      ↑裡面其中一條魚係張先生釣架

食飽飽, 導遊哥哥帶咗我地去坐車仔, 入d鄉村入面睇d果樹同睇瀑布, 大家有無睇過榴槤樹呢???

↓本來想間水企係度景相, 但等"十人幫"團友影埋相先可以到我地, 點知佢地影到唔捨得走, 搞到導遊哥哥話走人(佢地都未願走), 結果我同張先生就唔可以係度留影. =.="""" 

                 ↑小瀑布                                                                                              ↑這棵是掛滿蜂巢有幾百年歷史嘅樹

                         ↑我地就係坐呢部車去遊瀑布,食生果.       ↑大大個椰青              ↑呢棵就係榴槤樹,一個個榴槤掛咗係樹上.

係返去渡假村o既途中, 經過一店子, 導遊哥哥準備咗香蕉同埋我最唔鍾意但張先生好鍾意o既榴槤請大家食, 對於唔鍾意食榴槤o既我, 當然覺得陣味好難頂, 但大部份團友同張先生一樣係榴槤愛好者, 係咁食食食, 見到有兩公婆攞住一邊榴槤係咁"滑滑滑" 食食食 =.=""""""""""" 當佢地係咁食食食o既時候, 我就攬住個大棷青等等等, 等待期間, 隔離屋有兩個好得意o既小妹妹走過黎, 本來想同佢地一齊影返張相, 但當我攞起相機, 張先生行埋黎時, 佢地就走開 (一定係張先生嚇走佢地), haha......

佢地食飽飽, 返返去度假村玩樂, 首先同張先生係單車環村一遊, 之後張先生話要打goft, 係烈日當空下, 咪搞我, 中暑都似, 我去咗睇其他團友釣魚, 張先生可能見自己打goft悶得濟, 所以就同我一齊去釣魚, 今次係我第一次釣魚呢~~ 不過正式黎講, 我係去餵魚, 唔係釣魚, 因為一放落水無耐, 鈎係度o既麵包, 唔駛半分鐘就俾d魚食咗 =.=""" 張先生就好不容易先釣到條唔算大, 又唔算細, 大約12cm長o既魚仔, haha...大家都已經好高興, 好過無!!!

跟住去邊? 就係旅行團必去o既寶石城買金銀珠寶, 對我地黎講就一d興趣都無, 反而入面有個大魚缸就吸引住我地o既視線, 養咗幾條BB鯊魚同埋兩條好大條o既海鰻, 跟住我地仲去茶水部嘆免費o既奶茶, 唔知係泰國o既奶茶唔同香港, 還是係個度個姐姐沖得差, 似飲奶多過奶茶, 好難飲呢 =.=""""

To be continue......