二零零六年七月廿八日, 星期五 (旅程嘅第三日)
今日又係一大清早6:45am morning call, 好不容易先爬到起床, 睡眼睲鬆咁食早餐~~ 食飽飽就出發去喀比, 由Karon去喀比車程大約要45分鐘, 又係時候叉叉電...
去到喀比, 第一站係去騎大象, d大象好大隻, 好乖, 佢地d皮膚勁"鞋烚烚", d毛髮又粗又硬, 但又覺得佢地好慘, 唔係肥啫啫, 瘦猛猛的, 每日o既工作就係載住旅客係叢林之間行來行去, 但係當佢地唔聽話, 順象師就手拿一個鐵勾, 一o野刺去大象o既身體, 都幾係慘, 幾殘忍呢~~ 泰國人視大象為神聖, 但點解佢地又會咁對d大象o既
騎完大象, 我地去咗國家自然保區 -- Bor Thor海灣, 坐獨木舟漫遊於海蝕山林, 睇鐘乳溶岩之奇景, 都幾新奇, 這次係第一次坐獨木舟, 未坐之前好擔心會唔會坐坐下反艇(好彩有位熟手船家負責划), 事實又不如想像中差, 不過係烈日當空之下, 在紅樹林之間, 蚊子飛來飛去, 都幾係恐怖呢~~~ 張先生嘗試划獨木舟, 但手勢當然就............(其他係後面d團友都紛紛趕上=.="") 係咁划d水去我到............結果還是由船家繼續吧! 大家欣賞下泛舟湖上嘅風景先...
睇完鐘乳溶岩, 我地就向三千年前人類古洞穴神仙洞前進, 係洞穴入面, 有三千年前人類係這個神仙洞入面o既石壁上畫咗一個公仔圖案同埋一雙手(紅箭咀所示), 大家睇唔睇到呢~~
這個就係洞入面同嘅情況, 我地一直往上行, 行到高處有個出口, 咪爬上去看看出面嘅環境, 嘩! 又是另一片藍天與綠草呢~~~
參觀完神仙洞, 回程途中, 好想試下划獨木舟o既滋味, 於是叫咗船家俾我試下划下, 初初都唔係咁掂, 雙手唔多協調, 當掌握到之後, 就非常暢順, 好好玩, 又係潑到自己雙腳濕晒, haha......都幾攰架, 因為一個人要划一隻載住三個人o既獨木舟, 都唔係少o野呀!!!
To be continue......
沒有留言:
張貼留言