晚上, 去咗"碧斯"自由行亦食晚餐, 本來是晚打算去導遊哥哥介紹o既地方食燕窩魚翅餐, 但我地選擇咗自費去睇泰拳, 所以無得品嚐燕窩魚翅餐(團友食完話幾好), 結果我地就去咗food court食導遊哥哥介紹o既豬手飯同埋海南雞飯, 豬手好入味, d汁撈飯正呀! 海南雞好"鞋", 都係九龍城隆姐個d好食好好好...多呀!!! 個度food court買o野食唔係係cashier度買飛跟住攞食物, 而係買一張儲值咭, 跟住係食店度look, 食淨咗錢再去返cashier退返現金, 都幾麻煩呢~~
↓呢個就係買嘢食嘅儲值咭
食飽飽, 我地一行九人就出發去睇泰拳, 入場前, 另一位導遊哥哥同我地講, 入到去千期唔好舉手, 因為一舉手就代表你下注, 個度龍蛇混雜! 都有好多當地人去睇, 其次係鬼佬(佢地睇到不知幾興奮, 不斷係度叫喊), 總共睇咗八場, 細路仔對打o既賽事較多, 細至六歲, 大至廿幾歲都有, d細路仔咁細就出黎打, 真係唔明佢地d父母點諗, 唔心痛o既咩??? 可能大家文化唔同, 當地細路仔由細細個開始學泰拳學到大, 加上窮, 就推d仔出黎打拳賺錢, 唉............佢地真係打到啪啪聲架~~~ 有一場打得好勁, 一個打到流鼻血, 一個打到眼腫, 落台之後企都企唔穩, 搞咗好耐先可以"吉"下"吉"下咁行!!!
呢場係第八場, 兩位小朋友得六歲就已經打得這麼起勁, 到大過咪不得了~~~~ http://www.youtube.com/watch?v=sQatx_DNwrU
↓呢兩位拳手比賽前, 係台上面跳舞, 其實可能係d儀式黎嘅, 都幾特別!
跳舞儀式並非每位拳手都會做, 但有個儀式就係位拳手係比賽開始前都會做, 每位拳手拿圍住台邊行一轉, 每去到台角就會隻手合實, 頭碰台角一下, 再繼續行, 直至走勻四邊!
睇完泰拳, 返到酒店已十二點幾, 好攰好眼瞓呢~~~~~~
To be continue......
沒有留言:
張貼留言