一連五日嘅行程, 我地就全靠這部又高, 又新淨, 又舒適嘅旅遊巴啦! 大家知唔知部車坐到幾多人呢?! (唔計司機同導遊領隊位) 答案就係42個坐位, 因為啱啱好, 成團人坐無虛席呀!!! haha......
我地第一個行程, 就係去餐館食第一餐啦, 呢餐唔係食泰國菜, 而係食返中國菜! 我都覺得好奇怪, 間餐館叫台灣料理, 但係食中國菜, 奇奇奇呀! 有梅菜扣肉, 蒸魚, 炒蛋, 紫菜蛋花湯, 麻婆豆腐......(仲有幾味餸, 但唔記得係咩lu...點解唔記得, 咪就係因為佢無厘特別囉...)
食飽飽, 導遊哥哥帶咗我地去生果街自費買生果, 個度街如其名, 真係成條街放滿晒生果, 有西瓜, 榴槤, 龍眼, 香蕉, 山竹, 芒果, 楊桃.......多到不能盡錄呀! 我同張先生就花咗20匹買咗個大大個嘅番石榴食! 其他團友一人攬住一個椰青, 都係20匹一個, 好第呀!!! 不過我就唔係咁好椰青, 所以無買!!!
食過生果, 跟住下一站係睇寺廟, 係天朗氣清嘅天氣之下, 睇落去真係好靚呢~~ 但係係炎炎夏日, 烈日當空之下, 真係大汗叠細汗, 好熱呀~~~~~ 大家覺唔覺右手邊個間廟, 似唔似一坐模型呢???
睇過寺廟, 跟住去咗國立毒蛇研究中心睇表演, 都幾緊張刺激架, 條大網蛇爭d粗過我大脾, d工作人員仲攞黎觀眾席俾人摸, 又放係遊客膊頭影相(睇下我地呢位女團友幾咁有勇氣), 自問無咁嘅勇氣, 唔知條蛇幾時發爛, 佢一捲住條頸的話就一命嗚呼囉~~ 睇過表演當然就要聽旅行團必有嘅無聊講坐, 係咁sell d蛇粉呀, 蛇膽呀, 蛇邊呀......點好點好!!! 當然我同張先生無聽佢講乜, 係度雲遊四海~~
就這樣過咗一個下午, 又到食飯嘅時候, 估唔到, 又係食無厘特別嘅中菜! 最搞笑嘅係, 竟然又食返梅菜扣肉同麻婆豆腐, 好彩其他餸唔同咗遮.......不過, 最特別係條蒸魚, 大家都唔知佢係咩魚, 樣子怪怪的, 張先生好叻, 竟然知道呢條係叫做鸚鵡魚, 但佢話: 乜鸚鵡魚唔係觀賞魚黎嘅咩? 乜食得嘅咩? 當堂成圍人都唔敢食條魚, 因為唔知係咪真係食得! 最恐怖嘅事件發生啦, 當我地將條魚拆肉時, 竟然發現條魚骨係綠色架, wah................好恐怖呢~~~
To be continue......
沒有留言:
張貼留言