布吉之旅 Chapter 3

二零零六年七月廿七日, 星期四 (旅程嘅第二日)

又係一大清早6:45am就morning call, 例排又係係酒店餐廳食自助早餐(黎緊三朝都係係度食早餐=.=") 呢個係我每朝自製嘅腸仔蛋米粉啦(原本係齋米一碗), 不過個度d米粉又幾好味, 好爽, 唔同香港個d林bet bet!!!

8:00am準時出發, 坐快艇前往天堂島對開嘅海面玩降落傘, 今次係第二次玩啦, 所以唔驚, 記得第一次係泰國巴提雅玩, 真係好驚, 當時又細呢(得十幾歲咋)~~ hehe......因為唔洗錢(團費包咗), 所以係咁以兜個圈, 拖下你落水之後就咁就玩完~~

呢部快艇就係前往天堂島/哈哈島嘅交通公具!!! 右圖就係乘船前面嘅沙灘景!!!

係天空上面飛, 感覺真係好舒服, 但係當佢拖你落水時, 俾我感覺好似個拖地係度撻下撻下咁, hehe.....身體前面係咁係海面度片下片下, 片咗幾嘢先升返上天空! 不過坐快艇好玩過降落傘, 坐係船頭拋下拋下咁, 個個都拋都嘩嘩聲, haha.......好開心呢~~~

張先生玩降傘嘅"英姿", hehe......

玩完降落傘, 又坐嘩嘩嘩快艇去哈哈島陽光與海灘, yeah yeah yeah!!! 真係好水清沙幼, good good good呀!

 

我同張先生自費玩快艇, 今次係我地第一次係大海度揸快艇(當然有工作人員陪同啦), 好正, 好free, 好開心! fit fit聲係咁去, 爽呀! 仲要係坐度嘩嘩聲! 最正都係係度快速原"海"兜圈, 浪花一朵朵, 爽爽爽呀! haha..........快樂不知時日過, 半個小時就咁過去咗~~ 呢個就係我地揸嘅快艇啦!!!

揸完風馳電制嘅快艇, 我地就玩香蕉船, 唔駛錢當然係咁以敷衍下你就算, 我見人地個d出度個大海度玩架, 都係領隊成日同我地講個包:唔比較,唔計較,最緊要開心! (呢包說話, 個領隊都不知同我地講咗多少次 =.=) 這次係我第一次玩香蕉船, 所以都幾緊張, 仲要係坐第一個位(前面有個工作人員), 又唔知幾時要跌落水, 我擔心會好似個朋友咁(...佢第一次玩香蕉船, 自己又緊張, 又唔知幾時跌落水, 結果, 人人都跌晒落水, 唯獨是個位朋友自己仍然緊扼扶手, 仍然坐係香蕉上面, haha.......), 咁就樣衰囉, hoho......好彩個工作人員俾提示我地(其實係佢問我地反唔反船, 我地都未答, 佢都已經反咗), 四個人dump一聲就跌晒落水, haha......

跟住我就同張先生係海灘玩浮潛, 都唔係好多魚仔, 因為我係淺水地方, 唔敢出太遠, 張先生話見到海馬, 但我望極都望唔到, 點知...原來係我聽錯, 佢話見到嘅係海鰻, 唔係海馬, haha.....唔怪得之我睇唔到海馬, 淨係見到海鰻, haha........張先生游咗出海, 佢話見到雞泡魚! 我係第一次着住救生衣, 係大海度浮下浮下, 平時去沙灘一係就游, 一係就企係d水度(當然要掂到地啦), 今次可以大字型咁攤係水面, 真係幾正~~

快樂嘅日子好快又過去, 又係離開哈哈島嘅時候, 下一站我地去咗天堂島, 係椰林樹影下食午餐, 食飽飽就係天堂島度四圍行下影下相, 跟住就返酒店梳洗一輪, 就出發去另一景點 -- 腰果製造廠.

<--天堂島

我都唔知原來腰果係有個硬殼, 要人手用機器逐粒逐粒整出黎(見下左一圖), d工人剝得越多(仲要係完整無缺嘅腰果)就會賺得越多, 之後要剝咗層衣(見下左二圖, 下面就係未剝衣嘅腰果, 上面就係我地見慣嘅腰果), 先成為一粒食得嘅腰果! 大家有無見過腰果出自何處呢??? (見下右二圖, 細當當嘅果實下面啡色個粒就係啦!

大家有無飲過腰果汁呢? (見上右一圖) 我都係第一次試咋, 味道係點? 甜甜地, 無腰果味, 好似飲緊有汽嘅soda咁!!!

參觀完腰果廠, 之後就去咗燕窩專賣店, 當然我地無咁多錢買燕窩啦, 食返碗冰糖碎燕窩糖水都夠錢嘅, haha......

食過甜品, 我地就出發食我地嘅晚餐 -- 打邊爐, 又係平平無奇嘅一餐!!! 食飽飽, 等走嘅時候, 發現個度有位大嬸(唔知係咪老闆娘, 無着待應制服)係度逐枱收集d煮過嘅食物 =.=""""", 相信係唔好晒, 雪返入雪櫃等客人攞黎食 =.="""""""" (純粹個人猜測) 好彩我地到達餐館時, 已經有班人食緊頭輪, 個位大嬸收嘢時, 我地已經食飽飽, 好彩~~

食飽飽, 導遊哥哥帶咗我地去行芭東夜巿, 個度好熱鬧, 好多外國人, 好多酒吧, 好多餐廳(門口放咗好多冰鮮海鮮, 見到有隻老虎蝦大過隻龍蝦, 勁呀!!!), 好多人妖, 好多賣衫賣飾物嘅店鋪, 行咗去芭東海灘, 但係黑麻麻, 乜都睇唔到, 淨係睇岸邊就知好大浪! 逛芭東時, 張先生就高興, 大豐收, 買左條游水褲, t-恤, 項鏈同手鏈, 而我, 乜都無買到 =.=

這天都發生咗好多我嘅第一次, 第一次去哈哈島, 第一次浮潛, 第一次穿救生衣, 第一次揸快艇, 第一次玩香蕉船, 第一次睇腰果嘅出處, 第一次飲個名聽落去好似好難飲但又真係唔難飲嘅腰果汁, 第一次去芭東行夜巿!

To be continue......