尋日, 有位好朋友olive去養和做激光矯視手術, 手術好順利呢~~ 實在太好!!! 希望佢早日康復啦!!!
講開激光矯視, 身邊都有幾位好朋友做咗這個手術, 佢地都係做咗幾個月, 但唔駛戴眼鏡真係方便好多~~ 同是四眼妹嘅我, 雖然得個二百幾度近視, 見身邊咁多朋友做咗都話good, 都有少少心郁郁, 但之前睇過d email報道, 雖然唔知佢嘅出處, 唔知佢係真係假, 但有d point都講得有點道理.
激光矯視嘅發展都只係好短時期, 佢嘅好處當然會宣揚開去, 但佢嘅失敗又有誰知?! 同埋依家大部份做呢個手術嘅都係年輕嘅一代, 無實際數據顯示當年紀老啦, 雙眼會唔會出事, 無事固然係好, 但到時先知有事, 真係後悔莫及, 畢竟係一雙靈魂之窗, 出事就大件事~~ 經過一輪思考, 都係唔好做呢個手術, 待科技更進步先再作考慮, 還是做返四眼妹先~~~
懶惰嘅我, 鍾意戴眼鏡多過戴con (但同事成日叫我唔好戴眼鏡遮住雙大眼睛), 因為每朝返工, 最緊要係"快" (因為瞓到最後個刻至願起床呢~~), 眼鏡一戴上去就行得, good good good. 同埋戴咗眼鏡, 無咁覺黑眼圈存在, hehe......我嘅眼鏡, 一次比一次粗框, 一次比一次大副啦, haha......再換落去, 好似烏蠅鏡咁大副至得啦, haha......
真係好驚既,第時d野真係未知住. 而家做左出黎都ok既~我個情況唔同麻,因為近視深,如果而家唔做d野補救下,好易有飛蚊症. 普通人對得mon多,都可能會視網膜脫落. 真係好危險呀. 你都係戴con好睇d喎,不如考慮下戴con啦.
回覆刪除張先生鍾意我戴眼鏡多過戴con, 不過我唔係因為呢個原因唔戴con, 而係因為懶惰, 朝早寧願瞓, 都不願早少少起床, hehe...... 同埋戴con都唔多習慣呢~~
回覆刪除Hi 靚靚張師奶， 我路經此地...我4年前做了激光矯視，矯走了1200度近視，但卻換來200度散光，現時晚上及駕車一定要戴散光眼鏡囉...不過...我都沒有後悔做這個手術... 另外, 努力加油籌備結婚事宜，enjoy!
回覆刪除Wah........你近視真係好深喎~~~~ 做咗真係會方便好多嘅! 我得二百幾度, 所以暫時都唔駛做住, 再睇睇先~~~ 多謝你嘅支持, 我會努力架啦!!!
回覆刪除